Lukasi 2:36 - Sura Malelaha

^36-37 Kahawenda Yusupu hai Maria i Souna Pue Ala, ara wori inditi hadua nabi towawine. Hangana Hana, anana Fanuel, pemuleana Aser. Hana iti, ualumi pulona hai iba parena tinuwuna. Hangkoia motambi, agaiana pitu pea parena hangko indo, matemi tobalilona. Mepongka i tempo iti, ia bemba hai maida liliu i Souna Pue Ala. Alo-alona hai wengi-wengina Hana menomba i Pue Ala, mekakae hai mopuasa.

Lukasi 2:36 ပူးပေါင်းရင်းမြစ်များ

Lukasi 2:35

alana apa au ara i lalunda tauna iti ina tewungkehi. Oio Maria, ina narumpako kapari. Ina rumihi kawiorana lalumu, nodoko nabelai piho.”

Lukasi 2:38

Kamoitana Yesu i Souna Pue Ala, ia manguli ngkaia kamaroana i Pue Ala, hai mampololita kana i Anangkoi iti i ope-ope tauna au mampegia karakabahanda ampu wanua Yerusale hangko i iwalinda.

Suro 2:18

Hawe-hawe i hawiNgku tobalilo ba towawine, ina Kukiraiahe InaoNgku i alo iti, hai ihira ina mohowara lolitaNgku.

Suro 21:9

Ara anana iba towawine bara manihe motambi, ope-opehe mewali nabi to Sarani.

1 Korintu 11:5

Agaiana ane hadua towawine mekakae ba mopahawe lolitana Pue Ala i paminggu hai bara metolombu, towawine iti mopapakoi tobalilona au mewali tadulakona. Towawine au bara metolombu iti, hangangaa maea nodo hadua towawine au rakou weluana.

1 Korintu 12:1

Kaliliuana halalu, ina mololitana kana i kapande au tahumba hangko i Inao Malelaha. Tunggaiaku bona niisa mpuu apa au tou.

1 Timotiu 3:2

Ido hai hadua penatua hangangaa au bara ara kamasalana. Hangangaa hadua pea towawinena, hai hangangaa nabuku morempeki peundeana laluna au kadake. Hangangaa manoto laluna hai maroa adana. Hangangaa matana modoko torarena. Hangangaa naisa mepaturo.

1 Timotiu 5:9

Tobemba au peisa rapopesua hanganda i lalu sura poukia hanga-hanga tobemba bona ratulungi hangka topepoinalainda, batena pea tauna au node: tinuwunda bara makura hangko i ini pulona parena hai au hadua pea tobalilona.

Pampetudungia 7:6

Aser, Natali, Manase,