Lukasi 2:1 - Sura Malelaha

¹ I tempo iti, mohawami Kaisar Agustus bona ope-ope tauna i humalele kadatua Roma rauki hanganda bona raisa kabosanda.

Lukasi 2:1 ပူးပေါင်းရင်းမြစ်များ

Matiu 22:17

Guru, ido hai kiperapi bona Nuuliangaangkai, noumba pelambiaMu: moula atura agamanta, ba hangangaa mobaiarike asele i Kaisar, ba bara?”

Matiu 24:14

Hai Ngkora Marasa kana i poparentana Pue Ala batena rabambari i humalele dunia bona rahadi ope-ope tauna, hangko haweri kahopoa dunia.”

Markus 14:9

Bona niisa: i humalele dunia, iumba pea Ngkora Marasa rabambari, apa au nababehi towawine iti batena tekabelai, tanda karakatuinaona.”

Markus 16:15

Nauliangaahe Yesu, “Laomokau i humalele dunia, mopahawe Ngkora Marasa i ope-ope tauna.

Lukasi 2:3

Ope-ope tauna laomohe mampopeuki hanganda hadua-hadua i boeana tosaenda.

Lukasi 3:1

Hampulomi hai lima parena Kaisar Tiberius moparenta i wanua Roma, Pontiu Pilatu mewali gubernur i tampo Yudea, hai Herode Antipas au moparenta i Galilea. Pilipu, halaluna Herode, moparenta i Iturea hai i Trakonitis, hai Lisanias moparenta i Abilene.

Suro 11:28

Hadua hangko i olonda nabi iti rahanga Agabus. Anti kuasa au nahumba hangko i Inao Malelaha, meangkami Agabus mopahawe kaina arana rimi mahile i humalele Kadatua Roma. (Rimi iti tou-tou mpuu mewali i tempo poparentana Datu Mahile Klaudius i Roma.)

Suro 25:11

Ane tou mpuu ara salangku au hintotona rahukua mate, bara moapa rapapatena. Agaiana ane bara tou popahawenda to Yahudi, bara ara hadua tauna au peisa mohuhuna i lalu taienda. Hangangaa kupahawe kara-karangku i Kaisar!”

Suro 25:21

Agaiana naperapi bona kara-karana rapahawe i Datu Mahile Kaisar. Hai naperapi wori bona rakampai duuna kara-karana nabotusi Kaisar. Ido hai kutudumi bona Paulu rataha liliu duuna raanti lao i Kaisar.”

Roma 1:8

Ioru, mopahawena katana lalungku i Ampuku Pue Ala i lalu hangana Yesu Kerisitu, anti kaikamuna halalu, lawi tebambarimi i humalele dunia kamarohona pepoinalaimi i Pue Yesu.

Pilipi 4:22

Ope-ope to Sarani i wanua ide, pelumbunami au arahe i souna Kaisar, mopakatu worihe tabeanda irikamu, halalu.