Lukasi 18:38 - Sura Malelaha

³⁸ Kanahadina tobilo iti lolitanda, meraroami, nauli, “Yesu, pemuleana Datu Daudi! Nupokaahi wongkoia!”

Lukasi 18:38 ပူးပေါင်းရင်းမြစ်များ

Matiu 12:23

Tingkaramohe tauna bosa au moita iti, alana mombekunehe, rauli, “Ba Ia idemi Datu Topehompo pemuleana Datu Daudi au radandi hangkoia?”

Matiu 15:22

Inditi, ara hadua towawine to Kanaa, au bara to Yahudi. Towawine iti mai i Yesu, hai meraroa, nauli, “Pue, pemuleana Datu Daudi! Pokaahi wongkoia! Anangku towawine napesuangi tokadake, rumihi kamahaina.”

Matiu 21:15

Agaiana kapala-kapala tadulako mpenomba hai guru-guru agama, rumpuhe moita tanda kuasa au nababehi Yesu. Hai koi inaonda mohadi anangkoi au monganga-nganga i lalu Souna Pue Ala au manguli, “Tetoiami pemuleana Datu Daudi!”

Matiu 21:9

Bosa tauna au meula i Yesu, arahe au moioru, ara worihe au i boko. Mogee-gee liliuhe, rauli, “Tetoiami pemuleana Datu Daudi! Rawatimi tauna au mai i lalu hangana Pue! Tetoiami Pue Ala au indora i suruga!”

Matiu 9:27

Tangana Yesu mopaliliu polumaoNa, ara rodua tobilo au meula-ula i bokoNa hai mekakakiohe, rauli, “Pemuleana Datu Daudi, Nupokaahi wongkamia!”

Lukasi 18:37

Rahanai tauna bosa, “Yesu to Nasare melempo!”

Lukasi 18:39

Rakarumpuiri tauna au moioruhe, rauliangaa “Mandiiko!” Agaiana tobilo iti, monganga-nganga pea masisimbuku, nauli, “Pemuleana Datu Daudi! Nupokaahi wongkoia!”

Roma 1:3

Ngkora Marasa iti mampololita kana i Anana Pue Ala, au rapoanaka himbela hai manusia hangko i pemuleana Datu Daudi.

Pampetudungia 22:16

Iko, Yesu, motudumoNa malaekaNgku mopahawe paturoNgku ide irikamu ope-ope jumaa. Iko pemuleanana Datu Daudi. Ikomi Betue ntanda i Mata alo au mewangka ntepuu.”