Lukasi 18:31 - Sura Malelaha

³¹ Hambela tempo, Yesu mokakiohe topeguruNa au hampulo hai rodua mogulu mopatania, hai Nauliangaahe, “Nipehadingi maroa! Ide-ide monontohimoke Yerusale. I wanua iti, ina tepabukei ope-ope au rauki nabi-nabi kana i Ana Manusia.

Lukasi 18:31 ပူးပေါင်းရင်းမြစ်များ

Matiu 16:21

Mepongka hangko inditi, Yesu mopakanoto i topeguruNa apa au hangangaa mewali i wataNa, nauliangaahe, “Hangangaa laoNa i Yerusale. Inditi ina rapopeahi-ahiNa totosae boea, kapala-kapala tadulako mpenomba hai guru-guru agama. Ina rapapateNa, agaiana i kataluna alona, ina tuwo huleNa.”

Matiu 27:63

rauli, “Tua Gubernur, kikatuinao lolitana topodongko iti, lawi i tempona mani tuwo, Nauli, ‘Kaliuna talu alona, ina tuwo huleNa.’

Markus 8:9

Kabosanda au maande i tempo iti, kira-kira iba sabuna. Roo indo, Natudumohe Yesu mesule lao i sounda,

Lukasi 10:30

Nahanai Yesu, “Ara hadua tobalilo au molumao hangko i Yerusale lao i boea Yeriko. I tanga rara, tauna iti rapohidupaa toperampaki. Raperampaimi anu-anuna hai hampina, hai watana rapapahai duuna malimpu. Kahopoana rapalehi tedampa i wiwi rara.

Lukasi 9:22

Nauli mbuli Yesu, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa agaiana i kataluna alona ina tuwo huleNa.”

Lukasi 9:51

Hungkumi tempona Yesu ina mengkaore lao i suruga, Ia mopakanotomi tunggaiaNa lao i Yerusale.