Lukasi 18:30 - Sura Malelaha

³⁰ i dunia ide, batena molambi hurungina bahangkia belana hangko i ope-ope au napalehi, hai molambi wori katuwo maroa au bara mokahopoa i alo au ina mai.”

Lukasi 18:30 ပူးပေါင်းရင်းမြစ်များ

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

1 Timotiu 4:8

Lawi ane mopakarohoke watanta, haodi pea pobunduana. Agaiana ane lalunta tapakaroho mengkoru i Pue Ala, pobunduana ngkaia, lawi pengkoruta i Pue Ala moanti pewati i katuwonta, maroa i dunia ide maroa i alo au ina mai.

1 Timotiu 6:6

Katouana, poagamanta moanti rasi au mahile, asala apa au ara irikita tapohandaka.

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.

Pampetudungia 2:17

Hema au motalinga, hangangaa mampehadingi apa au nauli Inao Malelaha i ope-ope jumaa. Hema au menangi, ina Kupaliuhe moande manna au tewuni. Ina Kuwei worihe haogu watu au bula. I watu iti teuki hanga au wou, au bara raisa tauna ntanina. Au moisa, batena pea au modoko watu iti.”

Pampetudungia 3:21

Hema au menangi, ina Kupopohuda hihimbela hai Iko i kadera kadatuaNgku, nodo Iko au menangimoNa, hai mohudaNa moparenta hihimbela hai UmaNgku i kadera kadatuaNa.