Lukasi 18:12 - Sura Malelaha

¹² Mopuasana rombela i lalu haminggu. Hai hangko i ope-ope wuana bagongku, kuweiKo hangkira hampulo.’

Lukasi 18:12 ပူးပေါင်းရင်းမြစ်များ

Matiu 5:20

Mewali, Kuuliangaakau, ane niunde bona mewalikau taunana Pue Ala, hangangaa nipeulai peundeaNa, hai peulami hangangaa meliu hangko i peulanda guru agama hai toParisi.”

Matiu 6:1

“Nipamaroa-roa ineekau mobabehi rara mpoagama i lindonda tauna bosa bona raita peakau hangka rangami. Lawi ane nodo babehiami, barakau ina nawati Pue Ala, Umami au ara i suruga.

Matiu 6:16

“Ane mopuasakau, inee marinti lindomi nodohe tauna au maroa i raoa peahe. Ane mopuasahe, marinti lindonda hai raoaka barahe mewawalindo ba mekarabi bona raita tauna kamopuasanda. Nikatuinao, anti karalambinami petoia hangko i ranganda, barapohe molambi apa-apa hangko i Pue Ala.

Matiu 6:5

“Ane mekakaekau, ineekau nodo tauna au maroa peahe i humenda. Raunde meangka mekakae i lalu sou penombaa ba i porompengaa rara bona raita hai ratoiahe tauna. Mewali, anti karahumbanami petoianda ranganda, barapohe molambi pewati hangko i Pue Ala.

Matiu 9:14

Hangko inditi, hawehe bahangkia topeguruna Yohane Toperiu i Yesu, mekunehe iria, rauli, “Ikami hai toParisi mopuasa. Moapari pane topeguruMu barahe mopuasa?”

Lukasi 11:42

Hurewumokau toParisi! Madotakau mampeulai parenta au koi. Mogalori tuda-tuda i tabangaami nodo tangkada hai kulapare, nipopenomba hangkira hampulo i Pue Ala moula parentana Musa. Agaiana parenta mahile au manguli hangangaa mobabehikau apa au manoto i rangami hai hangangaa mampokaahikau Pue Ala, bara nipeulai. Katouana parenta itiri au hangangaa nipeulai, hai inee worikau mokabaha peulami i parenta au koi.

Lukasi 17:10

Nodo wori ikamu. Ane nipeulaimi ope-ope au nahawaakau Pue Ala, hangangaa niuli: ‘Ikami ide, hawi peangkai au barangkai hintoto ratoia. Kibabehi pea apa au Nahawaangkai ampuki.’ ”

Roma 3:27

Mewali, barapi ara raranta mampemahile. Lawi barake nadoko Pue Ala anti kamaroana babehianta. Agaiana Nadokoke anti pepoinalainta i Pue Yesu.

1 Korintu 1:29

Mewali, ido hai bara ara tauna au peisa mampemahile. Bara ara hadua au peisa manguli, “Anti kamapandeku, ido hai napileina Pue Ala.”

1 Timotiu 4:8

Lawi ane mopakarohoke watanta, haodi pea pobunduana. Agaiana ane lalunta tapakaroho mengkoru i Pue Ala, pobunduana ngkaia, lawi pengkoruta i Pue Ala moanti pewati i katuwonta, maroa i dunia ide maroa i alo au ina mai.