Lukasi 17:30 - Sura Malelaha

³⁰ Nodo wori kamampomaleanda tauna i kahaweNgku hule, Iko Ana Manusia, i dunia.

Lukasi 17:30 ပူးပေါင်းရင်းမြစ်များ

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Matiu 24:3

Roo indo, laomi Yesu i Bulu Saitun. Tangana mohuda-huda haduduana, hawemohe topeguruNa mekune Iria, “Impira pewalina au Nuuli inona?” Hai mekune mbulihe, rauli, “Tanda apa au ina mewali i kahaweMu i kahopoa dunia ide?”

Matiu 24:37

Apa au mewali i tempona nabi Noho hangkoia, ina mewali wori i alo kahaweaNgku Iko Ana Manusia.

Matiu 24:39

Nabalumbangiraihe owai, hangko raisari apa au mewali. Nodo wori kamampomaleanda tauna i kahaweNgku hule Iko Ana Manusia i dunia.

Matiu 26:64

Nahanai Yesu, “Tou mpuu, nodo au nuuli iti. Hai Kuuliangaa mbulikau: ina niitaNa Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i wongko gawu.”

Markus 13:26

I tempo iti, ope-ope tauna ina moitaNa, Ana Manusia, mendaulu mai i lalu gawu, i lalu kamakuasa hai peawa.

Lukasi 17:24

Lawi ane i kahaweNgku hule, Iko Ana Manusia, ina tongawa mpuu. KahaweNgku ina raita nodo pewangka kila au mesupa i Mata alo hai mewangka hawe-hawe i Katampua alo.

Lukasi 17:29

Agaiana i kapaduna Looti hangko i wanua Sodomo, tauna iti ranawongihe api hai watu belerang hangko i langi, hai tehuwehe ope-ope.

Lukasi 21:22

Lawi i alo iti, ina hawe Alo Pehukuna Pue Ala bona tepabukeimi ope-ope au teuki i lalu Sura Malelaha.

Lukasi 21:27

I tempo iti, tauna ina moitaNa, Iko Ana Manusia, mendaulu mai hangko i wongko gawu. Ina makuasaNa hai meawa ntepuuNa.

1 Korintu 1:7

duuna barapi ara kamakurana pewati au nilambi. Nilambimi paka-pakana kamapande hangko i Inao Malelaha, tangami mampegia kahawena hule Amputa Yesu Kerisitu.

1 Korintu 1:8

Ia ina mopakaroho pepoinalaimi duuna i kahopoa dunia bona ane Nakahaweikau Amputa Yesu Kerisitu i kahaweNa hule, barapi ara kamasalami.

2 Tesalonika 1:7

Hai Ia ina mokabahakau hangko i kaparimi, nodo wori ikami. Hinangkana iti ina Nababehi i kahawena hule Pue Yesu au ina mendaulu mai hangko i suruga hai malaekaNa au makuasa hai api au lolaa.

1 Peturu 1:13

Mewali, halalu, anti kamarohona peharungami, ido hai kuuliangaakau: nipakanoto pekirimi, nirempeki peundeana lalumi au kadake, hai nipakaroho peharungami i kabulana laluNa au ina raweikau ane hawe hulemi Yesu Kerisitu.

1 Peturu 1:7

Narumpakau kapari bona ane mantahakau ina tongawa mpuu kamarohona pepoinalaimi. Ane bulawa rawoli i api, tongawa bulawa ba bara. Agaiana melumbu kamasulina pepoinalaimi pane bulawa, lawi bulawa bara mantaha hawe i hae-haena. Bulawa hangangaa raparesa i lalu api. Nodo wori pepoinalaimi hangangaa rapetandaka i tempomi narumpa kapari. Mewali ane maroho mpuu pepoinalaimi, ikamu ina ratoia, rabila hai rapomahile i kahaweNa hule Yesu Kerisitu i dunia.

1 Peturu 4:13

Aginari nipokatana, lawi molambimokau kirami i lalu kapari au morumpa Kerisitu. Ido hai halalu, ane hawe tempona Kerisitu mopatongawa peawana tuwoNa i ope-ope tauna, ina matana mpuukau.

1 Yohane 2:28

Kaliliuana anangku, hangangaa mohintuwu liliuke hai Kerisitu bona i kahaweNa hule deade, baimoke lao i lindoNa, hai barapoke maea Nakahawei.

1 Yohane 3:2

Halalu au kupokaahi! Ide-ide, ananamoke Pue Ala. Agaiana bara mani taisa noumba kamaroana katuwonta i alo au ina mai, lawi bara manike rapatongawaa. Nauri nodo au taisa iami: ane hawe hule Kerisitu, ina mewalike himbela hai Ia, lawi ina taita mpuu noumba lenggeNa au katou-touana.

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!