Lukasi 17:29 - Sura Malelaha

²⁹ Agaiana i kapaduna Looti hangko i wanua Sodomo, tauna iti ranawongihe api hai watu belerang hangko i langi, hai tehuwehe ope-ope.

Lukasi 17:29 ပူးပေါင်းရင်းမြစ်များ

Lukasi 17:28

Nodo wori kamampomaleanda tauna i wanua Sodomo i tempona Looti maida inditi. Maande-ande hai maenu-enu peahe, mobalu-baluhe, mowiahe hai moarohe sou.

Lukasi 17:30

Nodo wori kamampomaleanda tauna i kahaweNgku hule, Iko Ana Manusia, i dunia.

2 Peturu 2:6

Nodo wori hangkoia Pue Ala mohuku to Sodomo hai to Gomora hangkoia lawi madosahe. Boeanda Nagero hai api bona kaNahukuna wanua iti mewali pepopainga i tauna au barahe mengkoru Iria.

Yudasi 1:7

Nikatuinao wori wanua Sodomo hai Gomora hangkoia hai boea ntanina au hungku. Ampu boea iti mobabehihe nodo au rababehi malaeka au kupololita inona. Mebualosihe, mobabehihe sala hai ngkaia babehianda au merikai, alana boeanda rahuwe. Pehukuna Pue Ala i to Sodomo hai to Gomora iti mewali pandiri i ope-ope tauna, hai peisa rapandiri nodo api au bara ara kahopoana au mohuku ope-ope tauna au kadake babehianda.

Pampetudungia 11:8

Karoonda sabi au rodua iti rapapate, watanda rapogiangaa i tanga rara wanua au mahile. (Wanua au mahile iti, iami wanua karapakuana Ampunda au rapandiri nodo wanua Sodomo hai tampo Masiri hangkoia, lawi kadake mpuuhe ampu boea iti.)

Pampetudungia 14:10

tauna iti ina napaenuhe Pue Ala hai paenu au mapai ntepuu. Lempona, ina nakarumpui mpuuhe Pue Ala, hai bara ara kamaluluna laluNa irihira. Tauna iti ina rapopeahi-ahihe i lalu api au mahile i lindonda malaeka au malelaha hihimbela hai Ana Dimba iti.

Pampetudungia 19:20

Kahopoana binata au kadake iti rahaka hihimbela hai nabi au mepawuli iti. Ihira, ratendehe i lalu tahi api au lolaa hai au mawaa. Nabi au mepawuli iti, iami au mobabehi tanda kuasa hai kuasana binata au kadake. Anti tanda kuasa iti, ia mopakanawohe tauna au modoko tanda binata hai au menomba i lengge binata iti.