Lukasi 14:32 - Sura Malelaha

³² Lawi ane naisa kadana nabuku moewahe, i tempona karao manihe, ia peisa motudu bahangkia surona lao modame hai iwalina.”

Lukasi 14:32 ပူးပေါင်းရင်းမြစ်များ

Matiu 5:25

Nodo wori, ane ara au mampeinao mosalaiko i lindona topobotusi, hangangaa modameko hai rangamu iti i tempomi mani lao i topobotusi. Lawi ane barakau modame, ina rahawirako i topobotusi, hai topobotusi iti ina mohuhuko i pulisi, hai pulisi ina mampopesuako i lalu tarunggu.

Matiu 5:42

Ane ara au merapi ba apa pea, nuwei woia. Hai inee nupokabohi i hangka rangamu au mampeinao mebolo irio.”

Lukasi 12:58

Agina nibotusi sadudua apa au maroa i tempona mani ara katepakami. Ane rapana, ara hadua tauna au mampeinao mosalaiko i lindona tadulako boea, hangangaa modamekau. Lawi ane barakau modame, ina naanti mpuuko lao i topebotusi, hai topebotusi iti ina mohuhuko i pulisi, hai pulisi ina mampopesuako i lalu tarunggu.

Lukasi 14:31

Nodo wori, ane ara hadua datu au moanti surodadona hampulo sabuna bona lao mombeala hai hadua datu au ara rompulo sabuna surodadona, agina datu iti mampepekiri hampai, ba nabuku moewa iwalina ba bara.

Lukasi 14:33

Napaliliu Yesu lolitaNa, Nauli, “Nodo wori ikamu, agina nipepekiri hampai apa au hangangaa nibabehi bona mewalikau topeulaNgku. Lawi ane bara niunde mokabaha ope-ope au ara irikamu, barakau peisa mewali topeulaNgku.”

Lukasi 19:14

Agaiana i tampona tuana iti, ara worihe tauna au mokahihi. Mewali, i kapaduna, rahawami bona bahangkia suro lao mouliangaa Datu Mahile: ‘Tua, ia inee talanti mewali datungki, lawi bara kiunde!’

Suro 12:20

Hambela tempo rumpumi Herode i to Tirus hai to Sidon. Mogombomohe to Tirus hai i to Sidon iti, hai laohe hihimbela i Herode. Nguru-nguruna moore-orehe Blastus, topobago i souna Herode, bona ntanda irihira. Blastus mamporangaihe lao i datu Herode bona modamehe. Iti rababehi lawi to Tirus hai to Sidon molambihe paandenda hangko i tampo au naparenta Herode.