Lukasi 14:24 - Sura Malelaha

²⁴ Lawi tou mpuu kuuliangaakau: bara huba hadua tauna au kukakio nguru-nguruna ina mampemina paandeku!’ ”

Lukasi 14:24 ပူးပေါင်းရင်းမြစ်များ

Matiu 21:43

Nauli mbuli Yesu, “BaraNa nidoko nodo Datumi, ido hai bara worikau Nadoko Pue Ala mewali taunaNa. Kirami i lalu poparentana Pue Ala, ina raala hangko irikamu hai raweihe tauna ntanina au mampeulai hawana Pue Ala.

Matiu 22:8

Roo indo, nakakio mbulimohe hawina, nauliangaahe: ‘Posusa petauna masilolongami, agaiana tauna au kukakiomi, barahe hintoto.

Lukasi 14:23

Ido hai nauliangaa ampu susa iti, ‘Lao mbuliko i raoa boea bona nubambari posusa ide iumba pea, maroa i rara au mahile maroa i rara au koi. Hangangaa nupasimbukuhe mai tauna bona soungku buke.

Lukasi 14:25

Roo indo, Yesu mopaliliu polumaona. Bosa wori tauna meula Iria, ido hai Napembalilingihe, Nauli,

Yohane 3:19

Idemi au rahukuahe: Baa hawemi i dunia. Agaiana manusia mounde mani kamakaindi pane kamabaa, lawi kadake babehianda.

Yohane 3:36

Tauna au mepoinalai i Anana Pue Ala iti, molambihe katuwo maroa au bara mokahopoa. Agaiana tauna au bara mengkoru i Anana Pue Ala, barahe molambi katuwo iti. Molambirihe pehukuna Pue Ala au bara mokahopoa.

Yohane 8:21

Nauli mbuli Yesu i tadulakonda to Yahudi, “Ina paduNa, hai ina nihaoki liliuNa, hai matekau i lalu kamadosami lawi nisapuakamoNa. Mewali i kalaoaNgku barakau peisa hawe.”

Yohane 8:24

Ido hai Kuuliangaakau inona, ina matekau i lalu kamadosami. Ane bara nipoinalai lolitaNgku au manguli Ikomi au rauli ‘IKO ARA’, batena mpuukau mate i lalu kamadosami.”

Suro 13:46

Agaiana Paulu hai Baranaba pebaihe mouliangaa to Yahudi iti, “Katouana, Ngkorana Pue Ala nguru-nguruna hangangaa rapahawe hampai irikamu to Yahudi, agaiana bara nidoko. Ikamu haduduami au mopakanoto kadami hintoto molambi katuwo maroa au bara mokahopoa. Ido hai ina kipalehimokau lao i tauna au barahe to Yahudi!