Lukasi 12:56 - Sura Malelaha

⁵⁶ Mengkamapande mpuukau! Niisa mampekatandai tanda i langi hai i dunia, agaiana bara niisa mampekatandai apa au nababehi Pue Ala i tempo ide.”

Lukasi 12:56 ပူးပေါင်းရင်းမြစ်များ

Matiu 11:25

I tempo iti, mekakaemi Yesu, nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia, Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande,

Matiu 16:3

Ane madondo-dondo niuli, ‘Deade ina keuda, lawi makaindi raoa hai ngembe pea.’ Niisa mpuu mampekatandai raoa. Agaiana bara niisa mampekatandai apa au nababehi Pue Ala i tempo ide.

Matiu 6:2

Mewali, ane motulungikau tauna au meahi-ahi, inee nipopaisa i tauna bosa, nodo au rababehi tauna au maroa i raoa pea. Ihira mampetudungia kamaroana lalunda i lalu sou penombaa ba i rara au mahile bona ratoia hangka ranganda. Bara ara apa-apa au ina rahumba hangko i Pue Ala, lawi rahumbami petoia hangko i ranganda.

Galatia 4:4

Agaiana i tempo au Napakanotomi Pue Ala, Ia motudumi AnaNa mai i dunia, au napoanaka hadua anantowawine, hai Ia tuwo nodo to Yahudi au mengkoru i Aturana Musa.