Lukasi 1:78 - Sura Malelaha

⁷⁸ anti kamaahina Pue Ala Amputa. Ia mai mosondakike hangko i suruga nodo pembetona alo.

Lukasi 1:78 ပူးပေါင်းရင်းမြစ်များ

Yohane 3:16

Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa.

Epesu 5:14

Ido hai ara lolita au manguli: “Mearomokau au leta, Mearomokau hangko i kapate, hai Kerisitu ina mowangkahikau.”

Pilipi 1:8

Pue Ala moisa ntepuu noumba kakukabilaimi, hai pekabilaingku ide nodo kamaahina Kerisitu Yesu irikamu.

Pilipi 2:1

Mewali halalu, anti pohintuwumi hai Kerisitu maroho lalumi. Tepalindo lalumi lawi napokaahikau Kerisitu. Naporangai liliukau Inao Malelaha, hai mombepokaahi worikau hadua hai hadua.

Kolose 3:12

Pue Ala mampokaahikau hai mopileimokau mewali kiraNa au malelaha. Idomi hai: hangangaa mombetulungikau, hangangaa maroa lalumi hadua hai hadua, mengkaiwoikau, nipamaalusu poantimi, hai sabarakau.

2 Peturu 1:19

Ido hai kipoinalai mpuu Ngkorana Pue Ala au rapahawemi nabi-nabi hangkoia kana i Yesu. Lolitanda iti nodo hulo au mewangka i lalu kakaindiana. Lolitanda nabi iti hangangaa nipailalu liliu duuna Pue Yesu hawe hule i dunia ide. Kahawena hule Yesu peisa rapandiri nodo pembeto alo ba nodo Betue i Mata alo au mewangka i lalumi.

1 Yohane 3:17

Rapana ara hadua tauna au maroa tuwona, hai moita halaluna au meahi-ahi, agaiana bara mau motulungi halaluna iti, noumba? Ane nodo, ahi au hangko i Pue Ala bara ara i laluna tauna iti.

Pampetudungia 22:16

Iko, Yesu, motudumoNa malaekaNgku mopahawe paturoNgku ide irikamu ope-ope jumaa. Iko pemuleanana Datu Daudi. Ikomi Betue ntanda i Mata alo au mewangka ntepuu.”