Ibarani 9:8 - Sura Malelaha

⁸ Kana i ada mpenomba iti, Inao Malelaha mopaguruke node: ane ara mani Bambaru Malelaha hangkoia, tauna biasa bara mani peisa mesua i lalu Hologa au Malelaha Ntepuu bona mohungkuki Pue Ala.

Ibarani 9:8 ပူးပေါင်းရင်းမြစ်များ

Lukasi 1:80

Anana Sakaria iti, kahile-hilea hai kamanoto-notoa laluna. Mahilemi, laomi maida i pada wungi duuna hawe tempona mampepongka mopahawe Ngkorana Pue Ala i to Yahudi.

Yohane 10:7

Ido hai Nauli mbuli, “Tou mpuu lolitaNgku ide: Ikomi babaka au rapoliungi dimba mesua i lalu gimpu.

Yohane 10:9

Ikomi babaka. Hema au mesua moliu Iriko, ina molambihe katuwo maroa. Ihira peisa rapandiri nodo dimba au mesua i lalu gimpu hai mesuwuhe lao i raoa molambi hehi au marudu.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Suro 28:25

Anti posisalana pelambianda, ido hai magaramohe hangko i poteruhuanda iti. Agaiana hangko damanihe mogaa-gaa, nauliangaahe Paulu node, “Hintoto mpuu apa au nauli Inao Malelaha au napahawe nabi Yesaya i toiorunta hangkoia, node:

Galatia 3:8

Mepongka hangkoia arami tunggaiana Pue Ala mopamanoto tauna au barahe to Yahudi ane mepoinalaihe. Ido hai i lalu Sura Malelaha, Pue Ala nguru-nguruna mopahawe Ngkora Marasa i Burahima, nauli, “Anti kaoiona, ina Kuwatihe ope-ope tauna i dunia.”

Epesu 2:18

I lalu pohintuwuta hai Kerisitu, peisake hungku i Pue Ala Umanta, maroa ikami to Yahudi, maroa ikamu au barakau to Yahudi. Peisake hungku i Pue Ala anti kuasana Inao Malelaha.

Ibarani 10:15

Paturo ide napakanotoa worimoke Inao Malelaha lawi i lalu Sura Malelaha, teuki node:

Ibarani 3:7

Mewali, halalu, hangangaa nipehadingi maroa paturona Inao Malelaha au teuki i lalu Sura Malelaha node: “Alo ide ane mohadikau wotuna Pue,

2 Peturu 1:21

Lawi Ngkorana Pue au rapahawe hangkoia bara moula peundeana manusia. Nabi-nabi iti mohowarahe Ngkorana Pue Ala anti peninina Inao Malelaha.