Ibarani 9:7 - Sura Malelaha

⁷ Agaiana au peisa mesua i hologa karombuana, batena pea Tadulako Mpenomba Mahile au mesua hambela pea hampare. Hai ane mesua, hangangaa moanti wahe. Wahe iti, iami wahe binata au nahuhu i Pue Ala, mohuru kamasalana haduduana hai salanda tauna bosa au bara raoaka.

Ibarani 9:7 ပူးပေါင်းရင်းမြစ်များ

Epesu 4:18

hai makaindi lalunda. Barahe mohumba katuwo au wou hangko i Pue Ala, lawi barahe moisa Pue Ala. Ntulihe lawi matua lalunda.

Ibarani 10:3

Agaiana bara nodo. Hangko i popenombanda au raanti pare-parena, mokatuinao liliuhe kamadosanda.

Ibarani 6:19

Peharunganta ide nodo besi pantio kapala tahi au mewali pekingkiata au maroho bona dati marugi pepoinalainta. I lalu Souna Pue Ala, ara rindi bana au mohomboki rara manusia datihe peisa mesua i lalu Hologa au Malelaha Ntepuu. Agaiana ikita, barapi ara au mohomboki raranta hawe i lindona Pue Ala.

Ibarani 7:27

Yesu bara nodo Tadulako Mpenomba Mahile ntanina au hangangaa mohuhuhe popenombanda alo-alona: nguru-nguruna popenomba au mohuru dosanda haduduanda, hai roo indo popenomba au mohuru dosanda tauna bosa. Agaiana Yesu hambela pea mohuhu popenomba i Pue Ala. Iti Nababehi i tempoNa mohuhu wataNa rapapate. PopenombaNa iti Nahuhu hambela pea; barapi ina rahuleki hawe i hae-haena.