Ibarani 9:4 - Sura Malelaha

⁴ I hologa iti, ara meja pointua dupa au rababehi hangko i bulawa, hai ara wori haogu peti au rahanga Peti Podandi. Peti iti ralapisi hai bulawa, i raoana hai i laluna. I lalu peti iti, ara pahalo bulawa au raihii roti manna, ara laina Haruni au motumbe, hai ara wori rompeka watu au rapoukii hawa hampulo au hangko i Pue Ala.

Ibarani 9:4 ပူးပေါင်းရင်းမြစ်များ

Pampetudungia 11:19

Hangko indo, tebungkahimi baba Souna Pue Ala i suruga, hai i lalu SouNa raita Peti Podandi. Liliu mombehangkemi kila, kegumpatami, kelinu, hai toami uda mowua au rumihi.

Pampetudungia 8:3

Hangko inditi, hawemi hadua malaeka ntanina au meangka i lindo meja pointua dupa. Malaeka iti moanti hambua tabo pointua dupa au rababehi hangko i bulawa, hai rawei ngkaia dupa bona naintu hai napopenomba hihimbela hai pekakaenda ope-ope taunana Pue Ala. Dupa iti naintu i wongko meja pointua dupa au rababehi hangko i bulawa au ara i lindo kadera kadatuana Pue Ala.