Ibarani 9:27 - Sura Malelaha

²⁷ Himbela hai manusia au rapatoka hambela pea mate, hai roo indo hangangaa rabotusi kara-karanda.

Ibarani 9:27 ပူးပေါင်းရင်းမြစ်များ

Lukasi 20:32

Kahopoana mate worimi towawine iti.

Suro 17:31

Lawi i hambela tempo au Napakanotomi, Pue Ala ina mobotusi kara-karanda tauna i humalele dunia i kanoto-notoaNa. PobotusiNa iti ina napobago hadua tauna au napilei Pue Ala. Hai tauna iti Napatuwo hule hangko i kapate bona tongawa i ope-ope tauna kaIana au Napilei.”

Roma 2:5

Anti kamatuana lalumi, hai anti kadami mau mobaliki babehiami au kadake, ina mantimi hukumi i alo pebotusi. I alo pebotusi iti, Pue Ala ina mobotusi ope-ope i kanoto-notoana hai mohuku ope-ope tauna au kadake babehiana.

Roma 5:12

Dosa mesua i lalu dunia melempo i hadua tauna au moliungi hawana Pue Ala. Dosa iti mopaara kapate i lalu dunia, alana kapate morumpa ope-ope tauna, lawi ope-ope tauna madosami.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

2 Korintu 5:10

Lawi hambela tempo, ikita ope-ope hangangaa molindo Kerisitu bona Naparesa babehianta, hai ikita ope-ope ina molambi hurungina hintoto hai apa au tababehi tanganta mani tuwo i dunia ide.

2 Timotiu 4:1

Timotiu! Paturongku ide kupahawe hangko i lalungku mpuu. Ane hawe hulemi Pue Yesu i dunia ide, Ia ina moparenta nodo hadua Datu, hai mobotusi kara-karanda ope-ope tauna, maroa au tuwo manihe, maroa au matemohe. Ido hai i lindona Pue Ala hai Kerisitu Yesu kuweiko lolita ide:

Ibarani 10:27

Barapi ara au peisa taharunga, batena pearai karumpuna Pue hai api pehukuNa au rumihi, au ina mopapumpu hinangka iwaliNa.

Ibarani 6:2

Hangangaa rapaturoahe kana i periu, noumba tadulako agama moona taienda i tanoananda tauna au rawati, karapatuwo hulenda tomate, hai pehukuna Pue Ala au bara mokahopoa. Paturo iti tou, agaiana ineemi rahuhuleki.

1 Yohane 4:17

Ane mampokaahike halalunta moula peundeana Pue Ala, barake langa i Pue Ala i alo pebotusi. Ina baike mampombelindoa Pue Ala, lawi apa au tababehi i lalu dunia ide moula apa au nababehi Kerisitu.

Yudasi 1:15

Ia ina mai mampohuda-hudaa kara-karanda ope-ope tauna, hai Ia ina mohuku ope-ope tauna au mosapuaka kuasaNa anti babehianda au kadake. Ope-ope tauna au bara mengkoru Iria ina Nahukuhe, hai ope-ope lolitanda au mepapakoi ina Nahurungiahe.”

Pampetudungia 20:11

Roo indo, kuitami hambua kadera kadatua au bula hai mahile, hai kuita wori Hadua au mohuda indo. Anti kamakuasaNa, langi hai dunia unga pea matanta, barapi ara.