Ibarani 9:19 - Sura Malelaha

¹⁹ Karoona Musa mopahawe hinangka parenta au ara i lalu Aturana Pue Ala i ope-ope to Yahudi, ia moalami wahe ana japi hai wahe towau laki nagalo hai owai. Roo indo, naala worimi hisop hambokea au raboke hai wulu dimba au malei, naeme i lalu wahe, hai nahimpeka i Sura Aturana Pue Ala hai i tauna bosa.

Ibarani 9:19 ပူးပေါင်းရင်းမြစ်များ

Matiu 27:28

Rawosuimi hampiNa hai rakumbaia kumba au malentoro nodo badu datu.

Markus 15:17

Yesu rabadui hantau badu au malentoro nodo badu datu. Hangko inditi, rababehimi hambua songko hangko i daangkau au modui au nodo songko datu, hai rasongkoia.

Markus 15:20

Karoona rapopowoo-woo, rawosui hulemi badu au malentoro au rabaduia inona, hai rabaduia hulemi hampiNa. Roo indo, raantimi Yesu lao i raoa wanua bona rapaku i kau mombehape.

Yohane 19:2

Surodado iti mobabehihe hambua songko kadatua au modui, hai rasongkoia Yesu. Roo indo, rabadui hai badu au malentoro nodo badu datu.

Yohane 19:5

Hangko inditi, raantimi Yesu i raoa, mesongko dui hai mebadu badu au malei malelentoro nodo badu datu. Nauli Pilatu, “Nipeita tauna ide!”

Ibarani 1:1

Hangkoia, bosa belana Pue Ala mongkora i toiorunta. LolitaNa rapahawe nabi-nabi, hai ngkaia pakana rara Napake mopaturohe toiorunta.

Ibarani 10:22

Lalunta Napamalelahami hai waheNa bona taisa kadanapi ara kamanawonta. Watanta rariu hai owai tanda kaNabahointa hangko i dosanta. Ido hai kuhuweki lalumi, halalu, bona mohungkukike Pue Ala hangko i lalunta mpuu hai hangko i pepoinalainta au maroho.

Ibarani 10:4

Lawi wahe japi laki hai towau laki bara peisa moumpahi dosa.

Ibarani 12:24

Hawemokau i Yesu, au mewali nente, au mopakaroho dandina Pue Ala au wou au mopahintuwu manusia hai Pue Ala. I tempona Yesu rapapate, mabubumi waheNa. Hai waheNa iti masuli hangko i wahena Habeli hangkoia.

Ibarani 9:12

I tempoNa mesua i lalu Bambaru Malelaha, Ia liliu lao i lalu Hologa Malelaha Ntepuu molindo Pue Ala. Hai wahe au Naanti mesua, bara wahe towau laki ba wahe ana japi laki, agaiana waheNa haduduaNa. PesuaNa iti, hambela pea i hae-haena, lawi hai waheNa iti, Ia mohompomi dosanta hawe i hae-haena.

Ibarani 9:13

Moula Aturana Musa, ane arahe tauna au masala moula atura agama, hangangaa rabahoihe hai wahe towau laki ba japi laki au rasambale. Nodo wori, tauna iti hangangaa rakamburangiahe awu ana japi au rahuwe bona mewalihe malelaha. Mewali, ane wahe hai awu iti peisa rapake mobahoi tauna au masala moula atura agama au mokanai pea watanta,

Ibarani 9:18

Nodo wori, hangangaa ara kapate au mopakaroho podandina Pue Ala au napahawe nabi Musa. Kapate iti rapatongawa i wahe binata au raanti. Node tuntukana:

1 Peturu 1:2

Ikamu, napileikau Pue Ala Umanta lawi nodomi tunggaiaNa hangko i nguru-nguruna. Ia mopileikau, hai anti pobagona Inao Malelaha, mewalimokau kiraNa bona mengkorukau i Yesu Kerisitu hai Napamalelahakau hai waheNa. Kuharunga Pue Ala ina moweikau ngkaia pewati hai roa ngkatuwo.