Ibarani 9:17 - Sura Malelaha

¹⁷ Lawi ihi sura peawili iti bara peisa rapopobundu ane tuwo mani topeawili. Agaiana ane topeawili iti matemi, hangko peisari rapopobundu.

Ibarani 9:17 ပူးပေါင်းရင်းမြစ်များ

Yohane 14:27

Katinda lalu au hangko Iriko Kuwoliakau. Katinda lalu au hangko Iriko Kuweikau. Au Kuweikau ide, bara nodo au naweikau dunia. Inee karao inaomi, hai ineekau langa.

Galatia 3:15

Halalu, kuala pandiri hangko i katuwonta alo-alona. Pandirina node: ara hadua tauna au mouki sura podandi. Ane sura iti ratekengi hai rapekatandai moula atura topoparenta, ihina barapi peisa ratambai tauna ntanina hai tunggaiana barapi peisa rabaliki.

Ibarani 9:16

Ane pandirina ara hadua tosae au mampeinao mokira-kira anu-anuna i anana, ia hangangaa mobabehi mpuu sura peawili au mopakanoto pokira-kirana anu-anuna. Agaiana sura peawili iti bara mani peisa rapake ane topeawili iti bara mani mate.

Ibarani 9:18

Nodo wori, hangangaa ara kapate au mopakaroho podandina Pue Ala au napahawe nabi Musa. Kapate iti rapatongawa i wahe binata au raanti. Node tuntukana: