Ibarani 8:11 - Sura Malelaha

¹¹ I tempo iti, barapohe paraluu mopaguru halalunda ba hangka ranganda bona raisaNa. Lawi ope-opehe ina moisaNa, maroa au koi tuwona ba au mahile tuwona.

Ibarani 8:11 ပူးပေါင်းရင်းမြစ်များ

Yohane 6:45

I lalu sura nabi-nabi hangkoia teuki node: ‘Pue Ala ina mopaguru ope-ope topeulaNa.’ Mewali, ope-ope tauna au mohadi hai modoko paturona UmaNgku, batena ina maihe Iriko.

Suro 8:10

Mentaka mpuu lalunda ope-ope ampu boea iria, maroa tuana ba tauna bosa, rauli, “I Simo ara kuasana Pue Ala au rauli Kuasa Mahile.”

1 Yohane 2:27

Agaiana halalu, modokomokau Inao Malelaha hangko i Kerisitu, hai Inao iti ara liliu i lalumi. Barapokau paraluu rapaguru tauna ntanina, lawi Inao Malelaha iti au mopagurukau i hinangkana. Ope-ope paturoNa tou, bara dongko. Mewali, mohintuwu liliumokau hai Kerisitu moula apa au Napaturoakau.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.