Ibarani 7:28 - Sura Malelaha

²⁸ Tauna au mewali Tadulako Mpenomba Mahile moula Aturana Musa, tauna biasa au malede. Agaiana bahangkia parena hangko i karaangkanda to Lewi mewali tadulako mpenomba, Pue Ala mohowara sumpaNa, hai moula sumpaNa iti, Naangkami AnaNa au haduduaNa mewali Tadulako Mpenomba Mahile. Hai AnaNa iti mewali Topehompo au bara ara kamakuraNa hai au tuwo i hae-haena.

Ibarani 7:28 ပူးပေါင်းရင်းမြစ်များ

Lukasi 13:32

Nauliangaahe Yesu, “Niuliangaa topeakalangi iti node: Alo ide hai kahalo Kupopolumao mani pobagoNgku mampopeloho seta hai mopakaoha tauna au mahai. Agaiana i kataluna alona, ina hopomi bagoNgku.

Yohane 19:30

Napeminami Yesu, pane Nauli, “Hopomi!” Roo indo, motumpa, hai opemi inaoNa.

Ibarani 1:2

Agaiana i alo-alo au ina hawe hangko damani alo pebotusi i kahopoa dunia, lolitana Pue Ala napahaweake AnaNa. Hai AnaNa itimi au Napopatoa mampopewali dunia hai hinangka ihina. Iami au Napakanoto Pue Ala mampoampu hinangkana au ara.

Ibarani 2:10

Pue Ala mampopewali hinangkana moula pobotusiNa. TunggaiaNa bona bosa tauna Napopewali anaNa hai Napopeawahe. Ido hai Pue Ala mopakanoto bona Yesu molambi kapari duuna mate. Pobotusina Pue Ala iti hintoto, lawi hangko i kapari au nahumba Yesu, Yesu mewali Topehompo au bara ara kamakuraNa. Ia au mobungkahi rara bona peisake tehorema.

Ibarani 2:17

Ido hai Yesu hangangaa mewali manusia au himbela hai ikita halaluNa i paka-pakana bona Ia mewali Tadulako Mpenomba Mahile. Hai i lalu pampopolumaona bagoNa i Pue Ala, Ia matundu hai maahi laluNa. Hai i lalu pobagoNa iti, Ia mopaara kateampunginda manusia.

Ibarani 3:1

Halalu-halalu au mewali taunana Pue Ala au Nakakio mesua i suruga, nipailalu kahemana Yesu. Ia tuduana Pue Ala hai Tadulako Mpenomba Mahile au tapoinalai.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Ibarani 4:14

Mewali, ara irikita hadua Tadulako Mpenomba Mahile au meliu kamahilena tuwoNa: iami Yesu Anana Pue Ala, au mengkaoremi mesua i suruga hai lao i lindona Pue Ala. Ido hai hangangaa tapakaroho pepoinalainta hai tapangaku liliu kaYesuna Amputa.

Ibarani 5:5

Nodo wori Kerisitu, bara mengkaiwongko, hai bara moangka wataNa haduduaNa mewali Tadulako Mpenomba Mahile agaiana Pue Ala haduduaNa au moangka, Nauliangaa: “Oiomi AnaNgku, Alo ide KupoanamoKo.”

Ibarani 7:21

Agaiana i karaangkana Yesu mewali tadulako mpenomba, Pue Ala mosumpa, Nauli, “Mosumpami Pue hai bara ina Napenosoi: Oiomi tadulako mpenomba i hae-haena.”

Ibarani 7:24

Agaiana pohudaana Yesu mewali tadulako mpenomba bara ara kahopoana hai bara melimba i tohaduana, lawi Ia tuwo i hae-haena.

Ibarani 7:3

Kana i Melkisedek, bara ara teuki kana i umana ba inana ba pemuleana. Bara wori ara teuki kana i pepongkana tuwona ba kahopoana tuwona. Peisa tauli: Melkisedek iti peisa rapahimbela hai Anana Pue Ala, lawi mewali tadulako mpenomba hawe i hae-haena.