Ibarani 7:19 - Sura Malelaha

¹⁹ Lawi Atura iti bara moanti tauna mewali manoto i peitana Pue Ala. Ido hai atura iti rapahuru hai rara au meliu kamaroana. Ane tapeulai rara iti, tongawa irikita ina mohintuwuke hai Pue Ala.

Ibarani 7:19 ပူးပေါင်းရင်းမြစ်များ

Yohane 1:17

Au tadoko hangko i Musa hangkoia iami aturana Pue Ala. Agaiana au tadoko hangko i Yesu Kerisitu melumbu hangko indo iami kabulana laluna Pue Ala hai paturoNa au manoto.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Suro 13:39

Barake peisa tekabaha hangko i dosanta hai rapakanoto i peitana Pue Ala hangko i pampeulainta Aturana Musa. Agaiana ope-ope tauna au mepoinalai i Yesu, ina tekabahahe hangko i hinangka dosanda hai batena nadokohe Pue Ala, Naimba nodo tauna au manoto.

Roma 5:2

Anti pepoinalainta i kanatanga-tangainta Yesu Kerisitu au mopahintuwuke hai Pue Ala, ido hai taisami kabulana laluna Pue Ala i lalu katuwonta ide. Hai matana lalunta, lawi maroho peharunganta. Anti peharunganta iti, taisa kaina molambita kiranta i lalu peawana tuwona Pue Ala.

Roma 7:7

Tauli inona, Kerisitu mokabahake hangko i Aturana Pue Ala au napahawe Musa. Agaiana inee tauli kadake Atura iti. Bara tou lolita iti! Aturana Musa maroa, lawi hangko i atura iti, taisa apa au rauli dosa. Ane rapana bara ara parenta au manguli, “Inee nupokaelu anu-anuna rangamu,” kebara kuisa kakadakena babehia iti.

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

Galatia 2:16

Nauri nodo, kiisa kadana babehiangki au maroa ba pampeulaingki Aturana Musa au mopamanotongkai i peitana Pue Ala. Ane taunde mewali manoto i peitana Pue Ala, hangangaa mampoinalaike Kerisitu Yesu. Ido hai mepoinalaimongkai i Kerisitu bona mewalingkai manoto i peitana Pue Ala. Barapi kiharunga peulanta i Aturana Musa, lawi bara ara hadua tauna au mewali manoto i peitana Pue Ala anti peulana i parenta-parenta au ara i Aturana Musa.

Galatia 3:21

Kaliliuana halalu, Aturana Musa bara moewa tunggaiana dandina Pue Ala. Ane rapana, peisa tapeulai atura-atura iti bona molambike katuwo maroa, lempona atura itimi au mewali raranta mopamanoto watanta i peitana Pue Ala.

Galatia 3:24

Aturana Musa monini hai mokampaike duuna Kerisitu mai i dunia bona Napatongawa Pue Ala kamanotonta i peitaNa, lawi mepoinalaimoke i Kerisitu.

Epesu 3:12

Anti pohintuwuta hai Kerisitu Yesu hai anti pepoinalainta Iria, baimoke mohungkuki Pue Ala hai barapi bata-bata lalunta.

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

1 Timotiu 1:1

Sura ide hangko iriko Paulu, surona Kerisitu Yesu. Mewalina suroNa moula hawana Pue Ala au mohoremake hangko i huku dosanta, hai moula hawana Kerisitu Yesu au mewali peharunganta.

Ibarani 10:1

Aturana Pue Ala au napahawe Musa mewali pandiri irikita kana i apa au ina mai. Hangko i Atura iti, bara mani taisa katuwo maroa au tahumba hangko i Kerisitu. Taita mewao-wao pea, bara lenggena ntepuu. Moula Aturana Musa iti, pare-parena tauna au mampeinao mohungkuki Pue Ala hangangaa moanti liliu popenombanda au himbela. Agaiana barahe peisa mewali manoto i peitana Pue Ala anti poantinda popenombanda.

Ibarani 11:40

Bara mani rahumba, lawi Pue Ala mopasilolongaake au meliu kamaroana bona i tempona ikita ara hihimbela hai ihira, ina Nawei worihe katuwo maroa au bara ara kamakurana.

Ibarani 11:6

Mewali taisa mpuu: bara ara tauna au napokatana Pue Ala ane bara mepoinalai Iria. Lawi tauna au mohungkuki Pue Ala hangangaa raisa i lalunda: Pue Ala tou-tou mpuu ara, hai batena ina mowei hurungina au maroa i ope-ope tauna au tou-tou mohaoki Pue.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Ibarani 4:16

Ido hai halalu, ineemoke langa. Peisamoke mohungkuki Pue Ala i kadera kadatuaNa au i suruga bona modokoke kamaahiNa, hai Natulungike hangko i kabulana laluNa i tempona au taparaluu.

Ibarani 6:18

Ane Pue Ala mopahawe dandiNa, bara modongko. Nodo wori ane Ia mohowara sumpaNa, bara modongko. Lolita au rompaka iti bara ara katebaliana. Pue Ala modandi hai mosumpa bona maroho lalunta. Hai ikita ide, mopalehimoke katuwonta hai dosanta hangkoia bona tapegia apa au Nadandiake.

Ibarani 7:11

Pue Ala mopahawe aturaNa i to Yahudi melempo i pemuleana Lewi au Naangkahe mewali tadulako mpenomba, agaiana i kanatadalukoinda Haruni barahe mewali manoto i peitana Pue Ala. Ido hai Pue Ala moangka hadua tadulako mpenomba ntanina, himbela hai Melkisedek, au bara hangko i pemuleana Haruni.

Ibarani 7:20

Melumbu hangko inditi, Yesu mewali tadulako mpenomba moula sumpana Pue Ala. Ane tadulako mpenomba au ntanina, barahe raangka mewali tadulako mpenomba moula sumpana Pue Ala.

Ibarani 7:25

Ido hai Nabuku mokabahake hangko i huku dosanta hai moweike katuwo maroa au bara ara kamakurana, asala mohungkukike Pue Ala i lalu hangana Yesu. Lawi Ia au tuwo i hae-haena hai mamperurui liliuke i lindona Pue Ala.

Ibarani 8:6

Agaiana pobagona Pue Yesu meliu kamaroana hangko i pobagonda tadulako mpenomba i dunia ide, lawi Yesu mewali nente au mopahawemi podandina Pue Ala au wou, au melumbu kamaroana hangko i podandi au napahawemi Musa. Hai hangko i podandi au wou iti, molambike dandina Pue Ala au meruu kamaroana.

Ibarani 9:9

Ope-ope iti mewali ngkora pandiri irikita au tuwoke ide-ide. Lempona: barake peisa mopamalelaha lalunta i peitana Pue Ala i pohuhunta binata hai popenomba ntanina Iria.

Yakobu 4:8

Hangangaa hungkukau i Pue Ala bona Ia wori hungku irikamu. Ane ara dosami, hangangaa nipangaku hai nikabaha. Ane morompenga lalumi, hangangaa nipamalelaha.