Ibarani 7:15 - Sura Malelaha

¹⁵ Tongawa pemuleana Lewi hangangaa rapahuru i lalu pobagonda mewali tadulako mpenomba, lawi hawemi Tadulako Mpenomba Mahilenta au himbela hai Melkisedek, au bara hangko i pemuleana Lewi.

Ibarani 7:15 ပူးပေါင်းရင်းမြစ်များ

Matiu 13:21

Agaiana bara kaladu pouakana Ngkorana Pue Ala i lalunda, ido hai barahe mantaha. Ane rapopeahi-ahihe ba rapamaparihe anti pepoinalainda i Ngkorana Pue, mousulihe hai barapohe mepoinalai.

Ibarani 5:6

Hai i lalu Sura Malelaha, nauli wori Pue Ala i AnaNa: “Oiomi Tadulako Mpenomba i hae-haena au mopaliliu bagona Melkisedek.”

Ibarani 7:11

Pue Ala mopahawe aturaNa i to Yahudi melempo i pemuleana Lewi au Naangkahe mewali tadulako mpenomba, agaiana i kanatadalukoinda Haruni barahe mewali manoto i peitana Pue Ala. Ido hai Pue Ala moangka hadua tadulako mpenomba ntanina, himbela hai Melkisedek, au bara hangko i pemuleana Haruni.

Ibarani 7:14

Lempona, Amputa Pue Yesu, bara rapoanaka hangko i pemuleana Lewi, agaiana hangko i pemuleanari Yehuda, Moleri i lalu atura tadulako mpenomba au nauki Musa, bara ara au teuki kana i tinana Yehuda.

Ibarani 7:16

Hai Ia bara mewali tadulako mpenomba moula atura au mopakanoto tinana au peisa mewali tadulako mpenomba. Ia mewali tadulako mpenomba moula kuasaNa hai katuwoNa au bara mokahopoa.

Ibarani 7:3

Kana i Melkisedek, bara ara teuki kana i umana ba inana ba pemuleana. Bara wori ara teuki kana i pepongkana tuwona ba kahopoana tuwona. Peisa tauli: Melkisedek iti peisa rapahimbela hai Anana Pue Ala, lawi mewali tadulako mpenomba hawe i hae-haena.