Ibarani 7:11 - Sura Malelaha

¹¹ Pue Ala mopahawe aturaNa i to Yahudi melempo i pemuleana Lewi au Naangkahe mewali tadulako mpenomba, agaiana i kanatadalukoinda Haruni barahe mewali manoto i peitana Pue Ala. Ido hai Pue Ala moangka hadua tadulako mpenomba ntanina, himbela hai Melkisedek, au bara hangko i pemuleana Haruni.

Ibarani 7:11 ပူးပေါင်းရင်းမြစ်များ

Galatia 2:21

Pue Ala mopamanotomoke i peitaNa hangko i kabulana laluNa. Mewali, bara maroa ane tasapuaka kabulana laluNa iti. Ane rapana, peisake mewali manoto i peitaNa anti peulanta i Aturana Musa, iti lempona kapatena Kerisitu bara ara bunduna.

Galatia 4:3

Nodo wori ikita halalu: hangko damanike moisa Pue Ala, nodoke anangkoi iti, lawi mengkoruke i ada hai hinangka kuasa dunia ide.

Galatia 4:9

Agaiana ide-ide moisamokau Pue Ala. Moleri Pue Alami au ioru moisakau! Mewali, moapari hai moula hulekau ada hai hinangka kuasa dunia ide? Nipeulai ope-ope ada agama to Yahudi, mokadipurakau alo, wula hai pare au rapakanoto i lalu Aturana Musa. Ada hai atura iti bara mopaara pewati, hai barakau ina tekabaha hangko i dosami anti peulami i atura iti. Mewali, moapari hai nipeulai hule ada iti?

Ibarani 5:10

Hai Yesu naangka Pue Ala mewali Tadulako Mpenomba Mahile nodo Melkisedek.

Ibarani 5:6

Hai i lalu Sura Malelaha, nauli wori Pue Ala i AnaNa: “Oiomi Tadulako Mpenomba i hae-haena au mopaliliu bagona Melkisedek.”

Ibarani 6:20

Barake langa hawe i lindoNa, lawi Yesu moiorumi mesua inditi, mobungkahiake rara bona taula. Yesu, au mopaliliu bagona Melkisedek, mewali Tadulako Mpenomba Mahilenta hawe i hae-haena.

Ibarani 7:10

Lewi iti, ampu i kuntuna Burahima. I kamaina Melkisedek mampohidupaa Burahima, Lewi bara mani ara. Mewali, ane Melkisedek modoko hangkira hampulo hangko i Burahima, manoto Melkisedek i wongko tuwona hangko i Lewi hai pemuleanahe.

Ibarani 7:12

Mewali, ane pemuleana Lewi au mewalihe tadulako mpenomba rapahuru hai hadua tadulako mpenomba au ntanina, au bara pemuleana Lewi, Aturana Musa hangangaa rapahuru wori.

Ibarani 7:13

Au ratunggai inde, bara tauna hangko i pemuleana Lewi, agaiana hangko i pemulea au ntanina au bara hambela mampopolumao bago tadulako mpenomba.

Ibarani 7:15

Tongawa pemuleana Lewi hangangaa rapahuru i lalu pobagonda mewali tadulako mpenomba, lawi hawemi Tadulako Mpenomba Mahilenta au himbela hai Melkisedek, au bara hangko i pemuleana Lewi.

Ibarani 7:21

Agaiana i karaangkana Yesu mewali tadulako mpenomba, Pue Ala mosumpa, Nauli, “Mosumpami Pue hai bara ina Napenosoi: Oiomi tadulako mpenomba i hae-haena.”

Ibarani 8:7

Ane rapana podandi au napahawemi Musa bara ara kamakurana, kebarapi paraluu tahaoki rara ntani mohintuwu hai Pue Ala.

Ibarani 9:6

Nodomi karaatorona Bambaru Malelaha hangkoia. Alo-alona tadulako mpenomba mesua i hologa au nguru-nguruna mampopolumao bagonda.