Ibarani 6:19 - Sura Malelaha

¹⁹ Peharunganta ide nodo besi pantio kapala tahi au mewali pekingkiata au maroho bona dati marugi pepoinalainta. I lalu Souna Pue Ala, ara rindi bana au mohomboki rara manusia datihe peisa mesua i lalu Hologa au Malelaha Ntepuu. Agaiana ikita, barapi ara au mohomboki raranta hawe i lindona Pue Ala.

Ibarani 6:19 ပူးပေါင်းရင်းမြစ်များ

Matiu 27:51

I tempo iti, rindi bana au tetoe i lalu Souna Pue Ala bila-bila mahepa ntanga hangko i wongko hawe i woi. Kelinu worimi, hai watu-watu mahile mabika.

Suro 23:6

Naisa Paulu, i olonda tadulako iti, arahe au mampeulai pepaturonda toSaduki, ara worihe au mampeulai pepaturonda toParisi. Ido hai mololita i ope-ope tauna masisimbuku, nauli, “Halalu! Iko toParisina, pemuleanana toParisi. Panena rapohuda-hudaa inde, lawi kupoinalai, tauna au mate, batena tuwo hule.”

Suro 27:29

Rapokalanga topobago i kapala morumpangkai pae watu rangka. Ido hai raulumi iba mbuana pantio i owai i taleu bona kapalangki tetaha. Kiundemi polo mabaa.

Suro 27:40

Ope-ope koloro popotoe pantio au motaha kapala tahi rabotukimi, hai pantio iti rapogiangaa i lalu tahi. Nodo wori, koloro au motaka kamudi kapala tahi rakakahimi bona kapala tahi iti peisa rapopolengko. Homba kapala au kokoi rabinihi bona manoto polumaongki lao i wiwina.

Roma 4:16

Mewali, naimbake Pue Ala manoto i peitaNa anti pepoinalainta bona apa au nadandi Pue Ala iti tadoko mbero pea hangko i kabulaNa laluNa bona ope-ope pemuleana Burahima batena molambi apa au Nadandi. Dandina Pue Ala iti bara pea kiranda to Yahudi au moisa Aturana Musa. Agaiana mewali wori kiranda au mepoinalai i Pue Ala nodo Burahima. Lawi Burahima tapoumami ope-opeke.

Roma 4:18

Katouana barapi ara peharungana Burahima moana lawi saemi. Nauri nodo, Burahima batena pea mepoinalai hai meharunga i Pue Ala, alana ia mewali umanda bosa tauna i humalele dunia. Lawi hangko damani ara anana Burahima, modandimi Pue Ala iria, Nauli, “Kabosanda pemuleamu ina nodo kangkaiana betue i langi.”

Roma 5:4

Hai ane mantahake, peisake monangi pekelo, hai Pue Ala ina mampokatana babehianta. Hai ane taisa babehianta moula peundeana Pue Ala, batena kamaroho-rohoa peharunganta i Pue Ala.

1 Korintu 13:13

Mewali, ide-ide, ara talu pakana au hangangaa tababehi: mepoinalaike i Pue Ala, meharungake i dandiNa, hai maahike i hangka ranganta. Agaiana hangko i talu pakana iti, au melumbu kamaroana iami ahi.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

Epesu 2:6

Anti pohintuwuta hai Kerisitu Yesu, Napatuwo hulemoke Pue Ala hihimbela hai Yesu, bona moparenta sambelake hai Ia i lalu suruga.

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

Kolose 3:1

Ikamu nodokau tauna au rapatuwo hule hangko i kapate hihimbela hai Kerisitu. Ido hai hangangaa mohaokikau apa au ara i suruga, iumba Kerisitu ara, mohuda ntanda i koanana Pue Ala.

2 Timotiu 2:19

Nauri nodo, Ngkorana Pue Ala batena maroho peangkana. Ngkorana Pue Ala rapandiri nodo haogu watu au bara ina tedua. I lalu Ngkorana Pue Ala teuki node, “Pue moisa hema au Napilei mewali anaNa,” hai, “Hema-hema au mopangaku kaYesuna Ampunda, hangangaa mokabahahe babehianda au kadake.”

Ibarani 4:16

Ido hai halalu, ineemoke langa. Peisamoke mohungkuki Pue Ala i kadera kadatuaNa au i suruga bona modokoke kamaahiNa, hai Natulungike hangko i kabulana laluNa i tempona au taparaluu.

Ibarani 9:7

Agaiana au peisa mesua i hologa karombuana, batena pea Tadulako Mpenomba Mahile au mesua hambela pea hampare. Hai ane mesua, hangangaa moanti wahe. Wahe iti, iami wahe binata au nahuhu i Pue Ala, mohuru kamasalana haduduana hai salanda tauna bosa au bara raoaka.

1 Peturu 1:3

Tatoiami Pue Ala, Umana Amputa Yesu Kerisitu! Anti kamahilena ahiNa, Naweimoke katuwo au wou, hai katuwo au wou iti tahumba hangko i katuwona hule Yesu Kerisitu. Ido hai maroho peharunganta.