Ibarani 6:13 - Sura Malelaha

¹³ Hangkoia Pue Ala mopahawe dandiNa i Burahima i lalu hangaNa haduduaNa, lawi bara ara au meliu kamahilena tuwona hangko Iria. Ia mosumpa, Nauli,

Ibarani 6:13 ပူးပေါင်းရင်းမြစ်များ

Lukasi 1:73

Maroho mpuu podandiNa i toiorunta, lawi Nadandi hai mosumpa i Burahima, bona ikita au mewali pemuleana ina Nakabahake hangko i iwalinta. Ina mewalike taunaNa au malelaha au mopakatana laluNa, hai ina Napaaraake rara mengkoru Iria dati ara kalanganta hawe i kahopoana tuwonta.”

Galatia 3:15

Halalu, kuala pandiri hangko i katuwonta alo-alona. Pandirina node: ara hadua tauna au mouki sura podandi. Ane sura iti ratekengi hai rapekatandai moula atura topoparenta, ihina barapi peisa ratambai tauna ntanina hai tunggaiana barapi peisa rabaliki.

Galatia 3:18

Ane rapana pemuleana Burahima hangangaa mampeulai Aturana Musa bona molambi apa au nadandi Pue Ala i Burahima, lempona pewati iti bara rahumba hangko i dandina Pue Ala. Agaiana taisa: Burahima molambi pewati iti batena hangko i dandina Pue Ala anti kabulana laluNa.