Ibarani 5:7 - Sura Malelaha

⁷ I tempona mani Yesu tuwo i lalu dunia ide, Ia meraroa hai moteria, mekakae hai mohowara pamperapiNa i Pue Ala au makuasa mokabaha hangko i kapate. Agaiana Yesu bara moula peundeaNa haduduaNa, batena mengkoru i peundeana Pue Ala. Ido hai Pue Ala mampehadingi pamperapiNa.

Ibarani 5:7 ပူးပေါင်းရင်းမြစ်များ

Matiu 27:46

Tinti talu kalumba, meraroami Yesu masisimbuku, Nauli, “Pue AlaNgku! Pue AlaNgku! Moapari hai NupalehiNa?” I lalu basa Yahudi, “Eloi, Eloi, lama sabaktani?”

Matiu 27:50

Roo indo, monganga mbulimi Yesu masisimbuku, hai opemi inaoNa.

Markus 15:34

Tinti talu kalumba, meraroami Yesu masisimbuku, Nauli, “Pue AlaNgku! Pue AlaNgku! Moapari hai NupalehiNa?” I lalu basanda to Yahudi, “Eloi, Eloi, lama sabaktani?”

Markus 15:37

Hangko inditi, mongangami Yesu masisimbuku, pane opemi inaoNa.

Lukasi 23:46

Roo indo, naulimi Yesu masisimbuku, “Uma, i lalu taieMu Kupaisare inaoNgku!” KarooNa mololita nodo, opemi inaoNa.

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 11:35

Teriami Yesu.

Yohane 11:42

Kuisa, batena Nupehadingi liliu lolitaNgku. Agaiana lolitaNgku ide Kuuli masisimbuku bona rahadi tauna bosa inde bona rapoinalai kaOiona mpuumi au motuduNa.”

Yohane 17:1

Karoona Yesu mopahawe ope-ope iti, mengoami hai mekakae, Nauli, “UmaNgku, hawemi tempona! Popeawamide AnaMu bona AnaMu mampopeawa woriKo Uma.

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

Galatia 4:4

Agaiana i tempo au Napakanotomi Pue Ala, Ia motudumi AnaNa mai i dunia, au napoanaka hadua anantowawine, hai Ia tuwo nodo to Yahudi au mengkoru i Aturana Musa.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

Ibarani 10:10

Yesu Kerisitu mobabehi mpuumi peundeana Pue Ala: wataNa hambela pea Napopenomba i Pue Ala. Hai hangko i popenombaNa iti, Napamalelahamoke hawe i hae-haena.

Ibarani 10:5

Ido hai pane i kahawena Kerisitu i dunia ide, Ia mouliangaa Pue Ala node: “Bara Nuperapi popenomba, hai bara Nuunde popenomba au rahuwe ba binata au rasambale bona mohuru dosa tauna, agaiana wataNgkumi au Nupasilolonga bona mewali popenomba Irio au Nupokatana.

Ibarani 11:7

Anti pepoinalaina, Noho mengkoru i hawana Pue Ala. Pue Ala mouliangaa kaina arana owai meumbala au molaboa dunia. Mewali, kehapiri bara mani naita pewalina, hawana Pue Ala napeulaimi hai nababehimi duanga mahile bona ia hai towawinena hai anana bara mate maliso. Ope-ope tauna i dunia rahuku, agaiana Noho anti pepoinalaina, ia Naimba Pue Ala manoto i peitaNa.

Ibarani 12:28

Mewali, halalu, anti katalambina kiranta i lalu poparentana Pue Ala au bara peisa moenggo, ido hai hangangaa tauli ngkaia kamaroana i Pue Ala, hai hangangaa menomba mpuuke Iria moula peundeaNa. Hangangaa tabila hai tapengkorui mpuu,

Ibarani 13:20

Mekakaena i Pue Ala, pongka roa ngkatuwo au mopakaroho podandiNa au mopahintuwuke hai Ia hawe i hae-haena, melempo i wahena Amputa Yesu au rapapate hai au Napatuwo hule hangko i kapate, hai Naangka mewali Toporewu au meliu kamaroana irikita dimbaNa.

Ibarani 2:14

Tauna au napoanahe Pue Ala, tauna biasa peahe au hangangaa mate. Ido hai Yesu mewali wori manusia hai tuwo nodo tauna biasa bona anti kapateNa Ia mogero kuasana Datu Tokadake au mopaara kapate.

1 Yohane 4:3

Ope-ope tauna au bara mopangaku Yesu, barahe napoana Pue Ala. Tauna iti nakuasaihe inao au hangko i Tomampoiwali Kerisitu. Nihadimi paturo au manguli kaina hawena tauna au mampoiwali Kerisitu, hai ide-ide arami i lalu dunia.

2 Yohane 1:7

I humalele dunia ara bosa topeakalangi au moanti paturo au mepakanawo. Ihira iti tauna au barahe mampoinalai katouna Yesu Datu Topehompo au maimi mewali manusia. Tauna au nodo, topodongkohe hai mampoiwalihe Kerisitu.