Ibarani 5:5 - Sura Malelaha

⁵ Nodo wori Kerisitu, bara mengkaiwongko, hai bara moangka wataNa haduduaNa mewali Tadulako Mpenomba Mahile agaiana Pue Ala haduduaNa au moangka, Nauliangaa: “Oiomi AnaNgku, Alo ide KupoanamoKo.”

Ibarani 5:5 ပူးပေါင်းရင်းမြစ်များ

Yohane 3:16

Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa.

Yohane 7:18

Tauna au mopahawe paturona haduduana, mohaoki pea bona ratoia. Agaiana tauna au mohaoki bona hema au motuduna ratoia, manotomi tauna iti bara modongko.

Yohane 8:54

Nauli Yesu, “Ane mengkaiwongkoNa, bara ara pobunduana. Agaiana UmaNgkumi au mopaiwongkoNa, au niuli Pue Ala au nipenombai.

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

Ibarani 1:1

Hangkoia, bosa belana Pue Ala mongkora i toiorunta. LolitaNa rapahawe nabi-nabi, hai ngkaia pakana rara Napake mopaturohe toiorunta.

Ibarani 1:5

I malaeka, Pue Ala bara hambela mopahawe lolita ide: “Oiomi AnaNgku, Alo ide KupoanamoKo.” Hai Pue Ala bara wori mololita i hadua malaeka node: “Iko ina NapoumaNa, hai Ia ina Kupoana.”

Ibarani 2:17

Ido hai Yesu hangangaa mewali manusia au himbela hai ikita halaluNa i paka-pakana bona Ia mewali Tadulako Mpenomba Mahile. Hai i lalu pampopolumaona bagoNa i Pue Ala, Ia matundu hai maahi laluNa. Hai i lalu pobagoNa iti, Ia mopaara kateampunginda manusia.

Ibarani 3:1

Halalu-halalu au mewali taunana Pue Ala au Nakakio mesua i suruga, nipailalu kahemana Yesu. Ia tuduana Pue Ala hai Tadulako Mpenomba Mahile au tapoinalai.

Ibarani 5:10

Hai Yesu naangka Pue Ala mewali Tadulako Mpenomba Mahile nodo Melkisedek.