Ibarani 4:6 - Sura Malelaha

⁶ Ihira au nguru-nguruna mohadi Ngkora, barahe molambi pengkarooangaa hihimbela hai Pue Ala, lawi barahe moula hawaNa. Agaiana tunggaiana Pue Ala, hangangaa ara tauna au molambi pengkarooangaa iti.

Ibarani 4:6 ပူးပေါင်းရင်းမြစ်များ

Matiu 21:43

Nauli mbuli Yesu, “BaraNa nidoko nodo Datumi, ido hai bara worikau Nadoko Pue Ala mewali taunaNa. Kirami i lalu poparentana Pue Ala, ina raala hangko irikamu hai raweihe tauna ntanina au mampeulai hawana Pue Ala.

Suro 28:28

Roo indo, nauli mbuli Paulu irihira, “Halalu bona niisa, ara Ngkora Marasa au mopakanoto rarana Pue Ala mohorema tauna hangko i huku dosanda. Ngkora Marasa iti rapahaweamohe tauna au bara to Yahudi. Ihirami au ina modoko bambari iti!”

1 Korintu 7:29

Halalu, tunggaiaku node: ikita to Sarani, hangangaa takatuinao kadanapi ngkaia tempota i dunia ide. Ido hai kuuli, mepongka ide-ide, ikamu au motambimokau, inee nipaioru potambimi. Batena bagona Pue au hangangaa tapaioru.

Galatia 3:8

Mepongka hangkoia arami tunggaiana Pue Ala mopamanoto tauna au barahe to Yahudi ane mepoinalaihe. Ido hai i lalu Sura Malelaha, Pue Ala nguru-nguruna mopahawe Ngkora Marasa i Burahima, nauli, “Anti kaoiona, ina Kuwatihe ope-ope tauna i dunia.”

Ibarani 4:11

Mewali halalu, hangangaa tapari-pari molambi pengkarooangaa hihimbela hai Pue Ala bona datike ara au mousuli hangko i pepoinalainta, nodo to Yahudi hangkoia au bara moula hawaNa.

Ibarani 4:2

Lawi ikita ide, rapahawea worimoke Ngkora Marasa, nodo to Yahudi hangkoia. Agaiana Ngkora Marasa iti bara moanti pewati irihira, lawi rahadi mbero pea, bara rapoinalai.

Ibarani 4:9

Mewali, ara mani katepaka i taunana Pue Ala bona molambihe pengkarooangaa hihimbela hai Ia. Pengkarooangaa iti, nodo pengkarooangaana Pue Ala i alo kapitu.