Ibarani 4:15 - Sura Malelaha

¹⁵ Lawi Tadulako Mpenomba Mahilenta iti moisa kamaledenta. Naisa ntepuu, lawi Ia rakelo worimi i hinangkana nodo ikita, agaiana Ia bara madosa.

Ibarani 4:15 ပူးပေါင်းရင်းမြစ်များ

Matiu 12:20

Tala au malute bara ina Natepoki, hai hulo au mewao-wao pewangkana bara ina Napapate. Ia ina mobago liliu duuna notona Pue Ala tongawa.

Matiu 4:1

Roo indo, Yesu naanti Inaona Pue Ala lao i pada wungi bona nakelo Datu Tokadake.

Lukasi 22:28

NiporangaiNa i lalu hinangkana kapariNgku.

Lukasi 4:2

I lalu iba pulona alona, Ia nakelo Datu Tokadake. I tempona Yesu inditi, Ia bara maande, kehapi ba apa pea. Liumi iba pulona alona, marimimi.

Yohane 8:46

Hemakau au peisa motudungiaNa kamadosaNgku? Ane mampololitaNa apa au tou, moapari hai baraNa nipoinalai?

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

2 Korintu 5:21

Kerisitu, bara madosa, agaiana napahimbela Pue Ala tauna madosa hai Napahaleangi dosanta. Tunggaiana Pue Ala bona ikita au mohintuwu hai Kerisitu raimbamoke manoto i peitaNa.

Ibarani 4:14

Mewali, ara irikita hadua Tadulako Mpenomba Mahile au meliu kamahilena tuwoNa: iami Yesu Anana Pue Ala, au mengkaoremi mesua i suruga hai lao i lindona Pue Ala. Ido hai hangangaa tapakaroho pepoinalainta hai tapangaku liliu kaYesuna Amputa.

Ibarani 5:2

Tadulako menomba mahile, manusia biasa, hai batena ngkaia wori kamaledena. Ido hai naisa mopamaalusu babehiana mokadipura tauna au bara mani manoto lalunda hai bara manihe moula rara au tou.

Ibarani 7:26

Mewali, Yesu itimi Tadulako Mpenomba Mahilenta au taparaluu, lawi Ia pea au peisa motulungike. Ia malelaha tuwoNa, bara ara salaNa ba kamakuraNa. Nauri mewali manusia, Ia bara madosa nodo manusia. Ia raangkami i hambua pohudaa au meliu kamapangkana hangko i ope-ope au i langi.

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.

1 Peturu 2:22

Ia bara hambela mobabehi dosa ba modongko.

1 Yohane 3:5

Hai niisa mpuu halalu, tunggaiana Yesu mai i dunia ide bona mogewo dosa manusia, nauri Ia haduduaNa, bara ara dosaNa.