Ibarani 2:2 - Sura Malelaha

² Lawi aturana Pue Ala au rapahawe malaeka i toiorunta hangkoia bara ara katebaliana. Hai hema pea au bara mampehadingi hai mampeulai atura iti ina molambi pehuku au hintoto hai babehianda,

Ibarani 2:2 ပူးပေါင်းရင်းမြစ်များ

Suro 7:53

Nidokomi hawana Pue Ala au rapahawe malaeka i toiorunta, agaiana bara nipeulai.”

Galatia 3:19

Mewali, batena ina ara tauna au manguli node, “Ane nodori, apa tunggaiana Aturana Musa?” Aturana Musa naweike Pue Ala bona mopakanoto kamadosanta moliungi peundeaNa. Tunggaiana Pue Ala bona manusia mampeulai Aturana Musa hawe pea i pemuleana Burahima au Natunggai i lalu dandina Pue Ala hangkoia, iami Kerisitu. Pue Ala mampohawaa malaekaNa mopahawe AturaNa i Musa, hai Musa iti mewali sarungkoro au mopahawe Aturana Pue i manusia.

Ibarani 1:1

Hangkoia, bosa belana Pue Ala mongkora i toiorunta. LolitaNa rapahawe nabi-nabi, hai ngkaia pakana rara Napake mopaturohe toiorunta.

Ibarani 10:28

Hangkoia ane ara hadua tauna au mosapuaka Aturana Musa hai arahe rodua ba talu tauna au mosabiki katouna kamasalana, bara ara ampungiana, batena rahuku mate.

Ibarani 10:35

Mewali, inee mpuu nikabaha pepoinalaimi iti, lawi ane mepoinalai liliukau, ina mahile mpuu hurungina au nihumba.

Ibarani 11:26

Naunde Musa rakakabosai anti pepoinalaina i Datu Topehompo au ina mai pane molambi peawana datu i tampo Masiri. Lawi ia meharunga liliu i Pue Ala bona mohumba hurungina au mahile i bokona.

Ibarani 11:6

Mewali taisa mpuu: bara ara tauna au napokatana Pue Ala ane bara mepoinalai Iria. Lawi tauna au mohungkuki Pue Ala hangangaa raisa i lalunda: Pue Ala tou-tou mpuu ara, hai batena ina mowei hurungina au maroa i ope-ope tauna au tou-tou mohaoki Pue.

Ibarani 12:25

Maroa-roakau, ineekau hawe moae Pue, au mongkorami irikita. To Isaraeli hangkoia, barahe mampoinalai lolitana Pue Ala au mongkora irihira i Bulu Sinai, hai batenda rahuku. Apa mani ikita au mohadi lolitana Pue Ala au mongkora irikita hangko i suruga. Ane tasapuaka NgkoraNa, batena barake tekabaha hangko i pehukuNa.

2 Peturu 1:19

Ido hai kipoinalai mpuu Ngkorana Pue Ala au rapahawemi nabi-nabi hangkoia kana i Yesu. Lolitanda iti nodo hulo au mewangka i lalu kakaindiana. Lolitanda nabi iti hangangaa nipailalu liliu duuna Pue Yesu hawe hule i dunia ide. Kahawena hule Yesu peisa rapandiri nodo pembeto alo ba nodo Betue i Mata alo au mewangka i lalumi.

Yudasi 1:5

Mewali, halalu, katouana ope-ope au kuuliangaakau ide niisami. Agaiana nauri nodo, kupeinao mampopainga hulekau noumba pehukuna Pue Ala i tauna au kadake babehianda. Hangkoia Pue Ala mokabaha to Yahudi au bosa hangko i tampo Masiri. Agaiana roo indo, arahe au bara mepoinalai Iria. Mewali tauna iti napapatehe Pue Ala i pada wungi.