Ibarani 2:16 - Sura Malelaha

¹⁶ Mewali, tongawami: bara malaeka au Natulungi Pue Yesu, agaiana ikitari pemuleana Burahima au Natulungi.

Ibarani 2:16 ပူးပေါင်းရင်းမြစ်များ

Roma 2:25

Ikita to Yahudi, tauli karatilenta ara pobunduana asala mampeulaike Aturana Musa. Agaiana ane taliungi Aturana Musa, karatilenta iti barapi mobundu.

Galatia 3:16

Nodo wori hai podandina Pue Ala. Pue Ala mopaara dandiNa i Burahima hai i pemuleana. (Paresa maroa lolita iti inona. Bara teuki “i pemuleanahe” Burahima au bosa. Au teuki: “i pemuleana”, lawi au natunggai lolita ide, iami pemuleana Burahima au hadua pea, iami Kerisitu.)

Galatia 3:29

Anti pohintuwuta hai Kerisitu, Naimbamoke pemuleana Burahima, hai batena mohumbake apa au nadandi Pue Ala, iria.

Ibarani 12:10

Tosaenta i dunia mopaturoke bahangkia pea parena kamahaena. Paturonda iti, ara hokana, lawi raweike lolita moula apa au maroa i peitanda. Agaiana Pue Ala mopaturoke bona molambike apa au maroa bona malelahake nodo Ia.

Ibarani 2:15

Hai kapatena Yesu iti, naporara Pue Ala mokabahake hangko i kapate. Lawi hangkoia, tuwoke nodo hawi. Ikita rapandiri nodo hawina Datu Tokadake lawi mampokalangake kapate.

Ibarani 2:17

Ido hai Yesu hangangaa mewali manusia au himbela hai ikita halaluNa i paka-pakana bona Ia mewali Tadulako Mpenomba Mahile. Hai i lalu pampopolumaona bagoNa i Pue Ala, Ia matundu hai maahi laluNa. Hai i lalu pobagoNa iti, Ia mopaara kateampunginda manusia.

Ibarani 6:16

Ane pandirina ara hadua tauna au mosumpa, ia hangangaa mokabelai hanga au meliu kamahilena tuwona hangko iria. Sumpana iti mopakaroho lolitana dati ara au bai mosapuaka.

1 Peturu 1:20

Hangko damani dunia rapopewali, Yesumi au napakanoto Pue Ala mewali Topehompo. Ide-ide, i tempona hungkumi kahopoa dunia, Ia hawemi bona mohuru dosami.