Ibarani 13:20 - Sura Malelaha

²⁰ Mekakaena i Pue Ala, pongka roa ngkatuwo au mopakaroho podandiNa au mopahintuwuke hai Ia hawe i hae-haena, melempo i wahena Amputa Yesu au rapapate hai au Napatuwo hule hangko i kapate, hai Naangka mewali Toporewu au meliu kamaroana irikita dimbaNa.

Ibarani 13:20 ပူးပေါင်းရင်းမြစ်များ

Matiu 26:28

Lawi idemi waheNgku au tebumbuha i kapateNgku. WaheNgku ide mopakaroho dandina Pue Ala au mopahintuwu Pue Ala hai manusia bona teampungi dosanda.

Markus 14:24

hai Nauliangaahe, “Anggoro ide kamba waheNgku au mabubu i kapateNgku mohuru salanda tauna bosa. WaheNgku iti morohongi dandina Pue Ala au mopahintuwu Pue Ala hai manusia.

Lukasi 22:20

Nodo wori, karoonda maande, Nahuhuamohe paenua anggoro, Nauliangaahe, “Paenua anggoro ide, lempona dandina Pue Ala au wou, au mopahintuwu Pue Ala hai manusia. Dandi ide Napakaroho hai waheNgku au tebumbuha i kapateNgku.

Yohane 10:11

Ikomi toporewu au maroa. Toporewu au maroa mokira tuwoNa i dimbaNahe.

Yohane 10:14

Ikomi toporewu au maroa. Nodo UmaNgku moisaNa hai Iko moisa UmaNgku, nodo wori Iko moisa dimbaKu, hai dimbaKu moisaNa. TuwoNgku Kukira bona dimbaKu tuwohe.

Suro 13:30

Agaiana Napatuwo hulemi Pue Ala.

Suro 17:31

Lawi i hambela tempo au Napakanotomi, Pue Ala ina mobotusi kara-karanda tauna i humalele dunia i kanoto-notoaNa. PobotusiNa iti ina napobago hadua tauna au napilei Pue Ala. Hai tauna iti Napatuwo hule hangko i kapate bona tongawa i ope-ope tauna kaIana au Napilei.”

Suro 2:24

Ikamu mopapate Yesu, agaiana Pue Ala mopatuwo hule. Pue Ala mokabaha wataNa hangko i kuasa kapate, lawi Ia hangangaa tuwo hule.

Suro 2:32

Yesumi au natunggai Daudi i lolitana iti. Lawi Iami au napatuwo hule Pue Ala. Ikami ide mewali sabiNa, lawi kiita mata katuwoNa hule.

Suro 3:15

Yesu iti au moweike katuwo maroa, nipapatemi. Agaiana Napatuwo hule Pue Ala. Ikami ide sabiNa au moita katuwona hule Yesu.

Suro 4:10

Mewali bona niisa, hai bona raisa wori ope-ope halalunta to Yahudi, tauna ide maoha hai nabuku meangka inde anti kuasana Yesu Kerisitu to Nasare. Yesu iti nipaku i kau mombehape, agaiana Pue Ala mopatuwo hule.

Suro 5:30

Yesu, au nipapatemi i kau mombehape, napatuwo hulemi Pue Ala au rapenombai toiorunta,

Roma 1:4

TuwoNa malelaha nodo Pue Ala hai i pearona hangko i olo tomate, mewali hambua tanda kuasa au mopatongawa, Yesu Kerisitu Amputa iti, iami Anana Pue Ala.

Roma 15:33

Kuharunga Pue Ala au moweike roa ngkatuwo ina mamporangaikau ope-ope. Amin!

Roma 16:20

Pue Ala, pongka roa ngkatuwo, ina monangi hai moropui Datu Tokadake i lalu katuwomi. Halalu-halalungku! Amputa Yesu Kerisitu, mowatikau hai mamporangai liliukau.

Roma 8:11

Pue Ala mopatuwo hule Yesu anti kuasana Inao Malelaha, hai Inao Malelaha iti au maida i lalunta. Mewali, kehapiri watanta mate, batena napatuwo huleke Pue Ala anti kuasana Inao Malelaha au maida i lalunta.

1 Korintu 14:33

Lawi moula peundeana Pue Ala, penombaata hangangaa rakadipura maroa, bara naunde Pue ane arahe tauna au mogewo-gewo. Itimi atura au rapeulai i lalu ope-ope jumaa.

1 Korintu 15:15

Melumbu hangko indo, peisangkai raimba topodongko, lawi kipahawe bambari au manguli Pue Ala mopatuwo hulemi Kerisitu. Agaiana ane rapana tauna au mate bara ina rapatuwo hule, bara tou lolitangki,

1 Korintu 6:14

Nodo Pue Yesu napatuwo hule Pue Ala hangko i kapate, nodo wori watanta ide ina Napatuwo hule Pue Ala hangko i kapate anti kuasaNa i alo pebotusi.

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

2 Korintu 4:14

Pue Ala mopatuwo hulemi Pue Yesu. Ido hai kiisa hambela tempo ina Napatuwo hule woringkai hai Naantingkai lao i lindoNa hihimbela hai ikamu.

Galatia 1:1

Halalungku hampepepoinalai i ope-ope jumaa au ara i Galatia, Iko, Paulu, surona Pue Yesu hai ope-ope halalungku hampepepoinalai au arahe inde, manguli tabea! Kiharunga Pue Ala Amputa hai Pue Yesu Kerisitu ina mowatikau hai moweikau roa ngkatuwo. Iko, mewalina surona Pue Yesu bara anti manusia ba naangkana manusia, agaiana Pue Yesu hai Pue Ala Umanta au mopatuwo hulemi Yesu hangko i kapateNa, au mampopewalimona suroNa.

Epesu 1:20

itimi au Napake mampopearo Kerisitu hangko i kapate bona Napopohuda ntanda i koanaNa i lalu suruga.

Pilipi 4:9

Apa au nipegurui hangko iriko, maroa paturongku au nihadi hai au nidoko, maroa babehiangku au niita, itimi au hangangaa nibabehi. Ane nodo nibabehi, Pue Ala ina mamporangaikau hai mopatinda lalumi.

Kolose 2:12

I tempomi rariu i lalu hangana Kerisitu, himbela pea matemokau, hai ratawumokau hihimbela hai Kerisitu, lawi nikabahami katuwomi hai babehiami au hangkoia. Hai i lalu karariumi iti, rapatuwo hule worimokau hihimbela hai Ia, lawi molambimokau katuwo au wou anti pepoinalaimi i kuasana Pue Ala au mopatuwo hule Yesu hangko i kapate.

1 Tesalonika 1:10

Tauna iti mampololita worihe noumba pampegiami kahawena Anana Pue Ala hangko i suruga, iami Yesu au napatuwo hule Pue Ala hangko i kapate. Yesu itimi au mohoremake hangko i karumpuna Pue Ala au ina morumpa tauna au barahe mepoinalai Iria.

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

2 Tesalonika 3:16

Batena pea Pue au peisa moweike roa ngkatuwo. Ido hai mekakaengkai Iria bona alo-alona Naweikau katinda lalu i paka-pakana. Pue mamporangaikau ope-ope.

Ibarani 10:22

Lalunta Napamalelahami hai waheNa bona taisa kadanapi ara kamanawonta. Watanta rariu hai owai tanda kaNabahointa hangko i dosanta. Ido hai kuhuweki lalumi, halalu, bona mohungkukike Pue Ala hangko i lalunta mpuu hai hangko i pepoinalainta au maroho.

Ibarani 10:29

Ane tauna au mosapuaka Aturana Musa nodo karahukuna, pelumbunami tauna au mokabaha pepoinalainda i Yesu! Tauna iti moihe-ihehe Anana Pue Ala, lawi rauli bara ara pobunduana wahena Yesu au mopakaroho dandina Pue Ala hai au mopamalelahahe. Mopakoimohe Inao Malelaha au naweike Pue Ala hangko i kabulana laluNa.

Ibarani 9:20

Tangana Musa mobabehi iti mololitami, nauli, “Idemi wahe au mopakaroho podandina Pue Ala irikamu, hai hangangaa nipeulai podandiNa iti.”

1 Peturu 1:21

Anti kahaweNa, ido hai mepoinalaikau i Pue Ala au mopatuwo hule Yesu hangko i kapate hai mowei katuwo mahile Iria, alana mepoinalaikau hai meharungakau i Pue Ala.

1 Peturu 2:25

Hangkoia nodokau dimba au puha. Agaiana ide-ide mesulemokau i hadua Toporewu au mokadipura tuwomi hai pepoinalaimi.

1 Peturu 5:4

bona ane hawe Toporewunta au meawa tuwoNa, ina Naweikau hambua songko datu au mengkila-ngkila liliu hawe i hae-haena.