Ibarani 12:18 - Sura Malelaha

¹⁸ Halalu, ide-ide ane mohungkukikau Pue Ala bara himbela hai to Isaraeli. Hangkoia Pue Ala mongkora i to Isaraeli hangko i Bulu Sinai i kaNaweinda AturaNa. Bulu iti, bulu biasa au peisa rapetobo. Tanganda to Isaraeli molindo bulu iti, moitamohe api au lolaa, rambu, gawu au makaindi, hai himburu kebuu.

Ibarani 12:18 ပူးပေါင်းရင်းမြစ်များ

Roma 6:14

Ikita, barapoke nakuasai dosa, bara anti pampeulainta Aturana Musa, agaiana anti pampeulainta kabulana laluna Pue Ala.

Roma 8:15

Hangkoia, nodoke hawi, lawi langake i pehukuna Pue Ala. Agaiana ide-ide, anti polambitami Inao Malelaha, barapoke langa. Lawi Inao Malelaha itimi au mampopewalike anana Pue Ala. Hai anti pokalena Inao Malelaha, baimoke mokakio Pue Ala, “Uma!”

2 Korintu 3:7

Hangkoia Pue Ala mouki AturaNa i watu poukia au Nawei i nabi Musa. I tempo iti peawana Pue Ala tongawa i lindona Musa au mewangka, ido hai bara rabuku to Isaraeli mototoki lindona Musa. Aturana Pue Ala au teuki i watu iti moanti kapate i manusia, lawi bara tabuku moula atura iti. Agaiana nauri nodo, mahile peawana Pue Ala au raita to Yahudi i lindona Musa. Mewali, ane peawana Pue Ala au mahile tongawa i atura au moanti kapate iti,

2 Korintu 3:9

Ane peawana Pue Ala au mahile raita i kaNaweinta atura au moanti kapate, apa mani i kaNaweinta dandi au wou, au moanti tauna mewali manoto i peitana Pue Ala.

2 Timotiu 1:7

Ineeko langa mampopolumao bagomu, lawi Inao Malelaha au naweike Pue Ala bara mopaara kalanga i lalunta, agaiana bona molambike karoho mampopolumao bagonta, mampokaahi hangka ranganta hai morempeki peundeana lalunta.