Ibarani 12:14 - Sura Malelaha

¹⁴ Hangangaa nipari-pari mohintuwu hai ope-ope tauna. Nipari-pari wori bona malelaha tuwomi, lawi tauna au bara malelaha tuwona bara ina moita Pue.

Ibarani 12:14 ပူးပေါင်းရင်းမြစ်များ

Markus 9:50

Bure, mobundu ntepuu. Agaiana ane matawaami, peisa pae rapakebure hule? Nodo wori, ikamu au meula Iriko hangangaa nodokau bure: lempona, inee nipogiangaa pepoinalaimi mewali malede. Hangangaa mohintuwukau.”

Roma 12:18

Nipari-pari mobabehi apa pea au maroa i tauna bona peisakau tuwo mohintuwu hai rangami.

Roma 14:19

Ido hai hangangaa tapari-pari mohintuwu hai ranganta hai mombepakaroho mpolaluke hadua hai hadua.

Roma 6:22

Agaiana ide-ide, tekabahamokau hangko i kuasa dosa hai mewalimokau taunana Pue Ala. Itimi au moanti rasi irikamu, alana malelaha tuwomi, hai kahopoana molambikau katuwo maroa hawe i hae-haena.

1 Korintu 1:10

Halalu, hangko i kuasa au naweina Amputa Yesu Kerisitu, kuperapi bona mohintuwukau ope-ope. Ineekau mopaara posisala. Hangangaa mohintuwukau hai hampepekirikau.

1 Korintu 13:12

Lawi ide-ide, nodoke hadua tauna au mampeita hambua lengge i pampewaoa au mogawu-gawu, lawi bara mani taisa hinangkana i katou-touana. I alo au ina mai, hangko taisari hinangkana, lawi ina mampombelindoamoke Pue Ala hai ina taita i katongawaana. Ide-ide, makura mani kamapandeku. Agaiana i alo au ina mai, ina kuisa ntepuu hinangkana, nodo Pue Ala moisana.

2 Korintu 6:17

“Mewali, hangangaa nikabaha peulami i babehianda tauna au baraNa raisa. Ineehe nipohintuwua! Nipakarao watami hangko i ope-ope babehia au kadake.”

2 Korintu 7:1

Halalu-halalu au kupokaahi, anti kanaweinta Pue Ala dandiNa iti, ido hai hangangaa takabaha hinangkana au moantike i babehia au kadake, maroa au i watanta ba i lalunta. Hangangaa mampeulai mpuuke peundeana Pue Ala, hai hangangaa langake mobabehi apa pea au bara moula peundeaNa.

Galatia 3:21

Kaliliuana halalu, Aturana Musa bara moewa tunggaiana dandina Pue Ala. Ane rapana, peisa tapeulai atura-atura iti bona molambike katuwo maroa, lempona atura itimi au mewali raranta mopamanoto watanta i peitana Pue Ala.

Epesu 5:5

Nipehadingi maroa: hema-hema au mobabehi babehia kedai, merikai ba au mehioro, nodohe tauna au menomba i anitu. Tauna iti barahe hintoto molambi kiranda i lalu poparentana Kerisitu hai Pue Ala.

Pilipi 3:12

Halalu, bara kuuli kuisa mpuumi Kerisitu, ba kuuli malelahami tuwongku. Bara wongkoia. Agaiana kupari-pari bona mewalina himbela hai Ia, lawi nodomi tunggaiana Kerisitu Yesu au mokakiona mewali taunaNa.

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

1 Tesalonika 4:7

Lawi tunggaiana Pue Ala mokakioke, barake Nakakio bona mobabehike sala agaiana Nakakioke bona malelaha tuwonta.

1 Tesalonika 5:15

Ane ara au mobabehi dake irikita, inee wori tahurungi hai dake. Agina mobabehi liliuke au maroa i ranganta hai i ope-ope tauna.

1 Timotiu 6:11

Agaiana oio Timotiu, hawinamoko Pue Ala. Nupakarao tuwomu hangko i ope-ope babehia au nodo. Nupari-pari mampeulai babehia au manoto hai mengkoruko i Pue Ala. Nupakaroho pepoinalaimu i Kerisitu hai kamaahimu i hangka rangamu, mantahako i lalu kapari hai Nupamaalusu poantimu i hangka rangamu.

2 Timotiu 2:22

Timotiu, ido hai kuweiko lolita, bona ineeko mampeulai peundeana lalumu nodo au biasa i tauna au mangura manihe. Nupari-pari mampeulai babehia au naunde Pue. Nupakaroho kamatundumu i Pue hai kamaahimu i hangka rangamu. Mohintuwuko hai ope-ope tauna au mekakaehe i Pue hangko i kabulana lalunda.

Ibarani 12:10

Tosaenta i dunia mopaturoke bahangkia pea parena kamahaena. Paturonda iti, ara hokana, lawi raweike lolita moula apa au maroa i peitanda. Agaiana Pue Ala mopaturoke bona molambike apa au maroa bona malelahake nodo Ia.

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.

1 Peturu 3:11

Ia hangangaa mokabaha babehiana au kadake hai mobabehi apa au maroa. Hangangaa napari-pari mohintuwu hai hangka rangana,

1 Peturu 3:13

Hema pae au ina mobabehi dake irikamu ane nibabehi liliu babehia au maroa?

2 Peturu 3:11

Mewali, halalu, ane nodo kamagerona hinangkana au ara, noumbamoke ikita ide? Hangangaa tapamalelaha babehianta hai mengkoruke i Pue Ala.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU

3 Yohane 1:11

Halalungku! Ineeko mampeulai babehia au kadake. Nupeulaimi babehia au maroa. Tauna au mobabehi roa, tongawa kanapoanandami Pue Ala. Tauna au mobabehi dake, tongawa kadanda mani moisa Pue Ala.