Ibarani 11:7 - Sura Malelaha

⁷ Anti pepoinalaina, Noho mengkoru i hawana Pue Ala. Pue Ala mouliangaa kaina arana owai meumbala au molaboa dunia. Mewali, kehapiri bara mani naita pewalina, hawana Pue Ala napeulaimi hai nababehimi duanga mahile bona ia hai towawinena hai anana bara mate maliso. Ope-ope tauna i dunia rahuku, agaiana Noho anti pepoinalaina, ia Naimba Pue Ala manoto i peitaNa.

Ibarani 11:7 ပူးပေါင်းရင်းမြစ်များ

Matiu 2:12

Tanga kaindi, Pue Ala mampopaingaahe i lalu pangipinda, Nauli, “Ineekau mesule i Herode!” Mewali i pesulenda i tamponda, barahe moliu i Yerusale, moulamohe rara ntanina.

Matiu 24:15

“Hangkoia nabi Danieli mampololita kahawena au rahanga ‘Dake au Mepamaropu.’ (Hema au mobasa lolita ide, niparesa lempona!) Ane niita au natunggai Danieli iti meangka i Souna Pue Ala,

Matiu 24:25

Nikatuinao! Kuuliangaa amimokau ope-ope iti hangko damani mewali.

Matiu 24:38

I tempona nabi Noho hangkoia, manusia mampomalea, bara raisa apa au ina morumpahe. Ina maande-ande hai maenu-enu liliu peahe, motambihe hai rapopotambihe. Iti au rababehi liliu duuna nabi Noho mesua i lalu duanga mahile.

Matiu 3:7

Bosa wori tadulako agama Yahudi au rahanga toParisi hai toSaduki maihe mampoperiu i Yohane. Kanaitanda hawe, nauliangaahe, “Ikamu au motengko babehiami, moapari hai maikau? Ba nipehangu peisakau tekabaha hangko i karumpuna Pue Ala au ina morumpakau?

Lukasi 17:26

Apa au mewali i tempona nabi Noho hangkoia, ina mewali wori i alo kahaweaNgku, Iko Ana Manusia.

Roma 1:17

Hangko i Ngkora Marasa iti, taisa noumba rarana Pue Ala moimbake manoto i peitaNa, anti pepoinalainta Iria. Bara ara rara ntani, lawi i lalu Sura Malelaha teukimi node, “Tauna au manoto i peitana Pue Ala, ina molambihe katuwo maroa anti pepoinalainda.”

Roma 10:6

Agaiana ara wori lolitana Musa au manguli: ikita mewali manoto i peitana Pue Ala anti pepoinalainta. Nauli node, “Inee nuuli i lalumu: ‘Hema au ina mengkahe lao i suruga? Hema au ina mendaulu lao i paidaa tomate?’ ” Lawi barake paraluu mengkahe i suruga mohaoki katuwo maroa, lawi Kerisitu mendaulumi mai irikita hai bara worike paraluu mendaulu i paidaa tomate mohaoki katuwo maroa, lawi Kerisitu tuwo hulemi hangko i kapate.

Roma 3:22

Pue Ala mopamanotoke i peitaNa ane mepoinalaike i Yesu Kerisitu. Iti Nababehi i ope-ope tauna au mepoinalai, barake Napopontani-ntani.

Roma 4:11

Burahima ratile aminami mepoinalai. Karatilena iti mewali pea tanda kamanotona i peitana Pue Ala. Mewali, tongawami irikita Burahima mewali manoto i peitana Pue Ala anti pepoinalaina nauri barato ratile. Ido hai peisa tauli Burahima rapouma tauna au barahe to Yahudi au mepoinalai i Yesu, lawi kehapirihe bara ratile moula Aturana Musa, batena mewalihe manoto i peitana Pue Ala anti pepoinalainda au himbela hai Burahima.

Roma 4:13

Hangkoia Pue Ala modandi i Burahima hai i pemuleana kaina mokuasainda dunia. Tunggaiana Pue Ala bona Burahima hai pemuleana mewali manoto anti pepoinalainda alana molambihe apa au Nadandi iti. Barahe molambi apa au nadandi Pue Ala anti pampeulainda Aturana Musa.

Roma 9:30

Mewali node: tauna au barahe to Yahudi barahe mohaoki rara bona mewalihe manoto i peitana Pue Ala. Agaiana arahe hantanga au mewali manoto i peitaNa. Pue Ala mopakanotohe i peitaNa anti pepoinalainda.

Galatia 5:5

Agaiana ikita halalu, anti peninina Inao Malelaha, meharungake i Pue Ala au mopamanotoke i peitaNa anti pepoinalainta i Kerisitu Yesu. Hai batena iti au taharunga.

Pilipi 3:9

hai mohintuwuna hai Ia. Pue Ala moimbana manoto i peitaNa, bara anti peulangku i Aturana Musa, agaiana anti pepoinalaingku i Kerisitu. Mewalina manoto i peitana Pue Ala anti kabulana laluNa, lawi mepoinalaina i Kerisitu.

Ibarani 11:1

Au rauli pepoinalai, lempona apa au taharunga i Pue Ala, taisa batena ina mewali. Kehapiri bara mani taita apa au tapegia, manoto i lalunta ina mewali.

Ibarani 12:25

Maroa-roakau, ineekau hawe moae Pue, au mongkorami irikita. To Isaraeli hangkoia, barahe mampoinalai lolitana Pue Ala au mongkora irihira i Bulu Sinai, hai batenda rahuku. Apa mani ikita au mohadi lolitana Pue Ala au mongkora irikita hangko i suruga. Ane tasapuaka NgkoraNa, batena barake tekabaha hangko i pehukuNa.

Ibarani 5:7

I tempona mani Yesu tuwo i lalu dunia ide, Ia meraroa hai moteria, mekakae hai mohowara pamperapiNa i Pue Ala au makuasa mokabaha hangko i kapate. Agaiana Yesu bara moula peundeaNa haduduaNa, batena mengkoru i peundeana Pue Ala. Ido hai Pue Ala mampehadingi pamperapiNa.

Ibarani 8:5

Tadulako mpenomba iti mobagohe i lalu sou penombaa i dunia ide. Sou penombaa iti mewali pandiri irikita kana i apa au ara i suruga. Ido hai hangko damani nabi Musa moaro Bambaru Malelaha hangkoia, Pue Ala mouliangaa node: “Nukatuinao! Ope-ope iti hangangaa nubabehi moula apa au ratudungiamoko i wongko bulu!”

1 Peturu 3:20

Ihira iti ratarunggu anti pesapuakanda i Pue Ala hangkoia i tempona mani Noho tuwo. Tongawami kasabarana Pue Ala, lawi Ia mampegia katebalikina lalunda tangana Noho mobabehi duanga mahile. Agaiana kahopoana, Pue Ala molaboa dunia hai owai. Ualu peahe tauna au mesua i lalu duanga mahile hai au Nahorema hangko i kapate.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

2 Peturu 2:5

Nodo wori manusia au kadake hangkoia, barahe nakabaha Pue Ala hangko i karahukunda. Dunia au hangkoia Nagero hai owai, alana matehe ope-ope tauna au mesapuaka. Batena pea nabi Noho hai pitu tinana au Natulungi datihe mate, lawi Noho mopahawe lolitana Pue Ala i ope-ope tauna bona mopakanotoahe rara moula peundeaNa.

2 Peturu 3:6

Hai owai napake wori Pue Ala mogero dunia ide.