Ibarani 11:32 - Sura Malelaha

³² Ngkaia mani au peisa kuuliangaakau, agaiana barapi handa tempoku motuntu kana irihira ope-ope. Bara manikau kutuntua Gideo, Barak, Simeso, Yepta, Daudi, Semueli hai nabi-nabi ntanina.

Ibarani 11:32 ပူးပေါင်းရင်းမြစ်များ

Matiu 5:12

Nabi-nabi au hangkoia, rapopeahi-ahi worihe. Mewali, nipamatana lalumi, lawi mahile hurungina au ina nihumba i lalu suruga.”

Lukasi 13:28

I tempo iti, ina moitakau toiorumi hangkoia nodo Burahima, Isaki hai Yako hai ope-ope nabi. Ina mohudahe matana-tana i lalu poparentana Pue Ala. Agaiana ikamu ina moteteriakau hai mantodiha liliukau, lawi rapotukoakau baba, hai ikamu i raoa pearaikau.

Lukasi 16:31

Agaiana nauli Burahima, ‘Ane lolitana Musa hai lolitanda nabi bara radoko, batena barahe ina mepoinalai, kehapiri ara tomate au tuwo hule.’ ”

Yohane 21:25

Ngkaia mani au nababehi Yesu, agaiana ane hinangkana au Nababehi iti rauki i lalu sura, kira-kira humalele dunia ide bara handa rapambolii sura iti.

Suro 10:43

Ope-ope nabi hangkoia mampololita kana i Yesu iti, rauli: hema-hema au mepoinalai Iria, dosanda teampungi anti kuasaNa.”

Suro 13:20

Ope-ope iti mewali i lalu iba atuna lima pulona parena kamahaena. Roo indo, Pue Ala moangka bahangkia topebotusi duuna hawe i nabi Semueli.

Suro 3:24

Nabi-nabi au mopahawe lolitana Pue Ala, mepongka hangko i nabi Semueli hai nabi-nabi ntanina au mehuhu i Semueli, ope-opehe mopahawe apa au mewali i tempo ide.

Roma 3:5

Mewali, babehiana manusia au bara manoto mopatongawa kamanotona Pue Ala. Agaiana inee tapehangu Pue Ala bara manoto ane Nahukuke anti babehianta au kadake. Arahe manusia au mampehangu nodo,

Roma 4:1

Mewali, peisa taala pandiri hangko i katuwona Burahima, toiorunda to Yahudi. Noumba rarana Burahima mewali manoto i peitana Pue Ala?

Roma 6:1

Pue Ala moampungi dosanta anti kabulana laluNa irikita. Agaiana inee tapehangu ane mobabehi liliuke dosa ina katetetambaiari ahina Pue Ala moampungike.

Roma 7:7

Tauli inona, Kerisitu mokabahake hangko i Aturana Pue Ala au napahawe Musa. Agaiana inee tauli kadake Atura iti. Bara tou lolita iti! Aturana Musa maroa, lawi hangko i atura iti, taisa apa au rauli dosa. Ane rapana bara ara parenta au manguli, “Inee nupokaelu anu-anuna rangamu,” kebara kuisa kakadakena babehia iti.

Yakobu 5:10

Halalungku ope-ope! Nikatuinaohe nabi hangkoia au mobambari Ngkorana Pue. Sabarahe hai mantahahe mantodiha kapari. Maroa ane tapeulai kasabaranda.

2 Peturu 1:21

Lawi Ngkorana Pue au rapahawe hangkoia bara moula peundeana manusia. Nabi-nabi iti mohowarahe Ngkorana Pue Ala anti peninina Inao Malelaha.

2 Peturu 3:2

Tunggaiaku bona nikatuinao apa au rapahawemi nabi au malelaha hangkoia, hai bona nikatuinao wori hawana Amputa Pue Yesu au mohoremamoke hangko i huku dosanta. HawaNa iti nihadi hangko irikami suroNa.