Ibarani 11:31 - Sura Malelaha

³¹ Anti pepoinalaina, Rahab bara rapapate nodo tauna au hambomboeana au barahe mengkoru i Pue Ala. Rahab iti, hadua towawine au bara maroa babehiana. Agaiana i temponda bahangkia surodado to Isaraeli lao mampendenga boea Yeriko, nadokohe i souna, hai natulungihe.

Ibarani 11:31 ပူးပေါင်းရင်းမြစ်များ

Matiu 1:1

Yesu Kerisitu iami pemuleana Datu Daudi, pemuleana Burahima. Mepongka hangko i Burahima hawe i Daudi, hanganda au mampemuleaka Yesu, idemohe:

Matiu 1:5

Salmon mopaara Boas hangko i Rahab; Boas mopaara Obed hangko i Ruti; Obed mopaara Isai;

Suro 15:33

Ihira maida bahangkia alona hihimbela hai tauna i Antiokia, hai roo indo Silas hai Yudasi ina rapopelingkamohe mesule lao i Yerusale i tauna au motuduhe mai. Rauli to Antiokia iti, “Maroa-roakau i rara.”

Ibarani 3:18

Hai ihira itimi au natunggai Pue Ala i lalu sumpaNa au node: “Barahe peisa molambi pengkarooangaa hihimbela hai Iko.” Barahe Napaliu molambi pengkarooangaa iti, lawi barahe moula hawaNa.

Yakobu 2:25

Nodo wori tuntukana Rahab hangkoia, hadua towawine au bara maroa adana. I temponda bahangkia surodado to Yahudi ratudu lao mependenga, napopehupehe Rahab i souna hai natulungihe padu moliu i rara ntanina. Anti babehiana iti, ido hai naimbami Pue Ala tauna au manoto.

1 Peturu 2:8

Tehubehe Iria, lawi barahe mampoinalai Ngkorana Pue Ala. Iti mewali moula apa au napakanotoamohe Pue Ala.

1 Peturu 3:20

Ihira iti ratarunggu anti pesapuakanda i Pue Ala hangkoia i tempona mani Noho tuwo. Tongawami kasabarana Pue Ala, lawi Ia mampegia katebalikina lalunda tangana Noho mobabehi duanga mahile. Agaiana kahopoana, Pue Ala molaboa dunia hai owai. Ualu peahe tauna au mesua i lalu duanga mahile hai au Nahorema hangko i kapate.