Ibarani 11:14 - Sura Malelaha

¹⁴ Tauna au manguli nodo, tongawa hangko i lolitanda apa au rahaoki. Au rahaoki iami tampo au peisa mewali tamponda haduduanda.

Ibarani 11:14 ပူးပေါင်းရင်းမြစ်များ

2 Korintu 4:18

Mewali, barangkai mampekiri apa au taita agaiana mampekiringkai apa au bara mani taita. Lawi au taita, hampalai pea, agaiana au bara mani taita, itiri au mantaha liliu hawe i hae-haena.

Pilipi 1:23

Au rompaka iti mombedii mani i lalungku. Kupeinao mopalehi dunia ide hai laona maida hihimbela hai Kerisitu, lawi iti au maroa ntepuu.

Ibarani 11:13

Ope-ope tauna iti mampoinalai liliuhe dandina Pue Ala duuna i kapatenda, agaiana bara manihe mohumba apa au nadandiahe Pue Ala. Peisa tauli: moita ngkarao peahe pewalina. Raisa mahae mani hangko mewaliri. Agaiana nauri nodo, bara bata-bata lalunda i dandina Pue Ala. Matana mpuuhe mampegia pewalina, ido hai rauli: tuwohe i dunia ide nodo pea torare ba topolilo.

Ibarani 11:15

Bara tampo au rapalehi hangkoia au rahaoki. Lawi ane rapana tampo iti au rahaoki, ketepakatohe mesule inditi.

Ibarani 11:16

Agaiana tampo au rahaoki, iami suruga au meliu kamaroana. Ido hai Pue Ala bara maea ane rauli Ia Pue Ala au rapenombai, lawi Napasilolongaamohe paidaanda i suruga.

Ibarani 13:14

Lawi i lalu dunia ide, bara ara paidaa roonta; Mohaokike paidaa au ina mai.