Ibarani 11:13 - Sura Malelaha

¹³ Ope-ope tauna iti mampoinalai liliuhe dandina Pue Ala duuna i kapatenda, agaiana bara manihe mohumba apa au nadandiahe Pue Ala. Peisa tauli: moita ngkarao peahe pewalina. Raisa mahae mani hangko mewaliri. Agaiana nauri nodo, bara bata-bata lalunda i dandina Pue Ala. Matana mpuuhe mampegia pewalina, ido hai rauli: tuwohe i dunia ide nodo pea torare ba topolilo.

Ibarani 11:13 ပူးပေါင်းရင်းမြစ်များ

Matiu 13:17

Tou mpuu au Kuuliangaakau: hangkoia arahe bosa nabi hai tauna au manoto au mampeinaohe moita apa au niitami, agaiana bara raita. Mampeinao mpuuhe mampehadingi apa au nihadi, agaiana bara rahadi.”

Yohane 12:41

Lolita kana i Yesu iti napahawe nabi Yesaya hangkoia, lawi naita amimi peawaNa.

Yohane 8:56

Ane Burahima toiorumi, matana laluna lawi naisa kaina naitaNgku i alo kahaweaNgku, hai naitami kahaweNgku hai matana mpuu.”

Roma 4:21

lawi napoinalai kamakuasana Pue Ala mopabukei dandiNa.

Roma 8:24

Ide-ide, tekabahamoke hangko i huku dosanta anti peharunganta i Pue Ala. Taharunga kaina Naweinta ope-ope au Nadandiake. Hai ane meharungake, lempona bara mani tahumba apa au taharunga iti. Lawi bara ara hadua tauna au moharunga anu-anu au nahumbami.

2 Korintu 4:18

Mewali, barangkai mampekiri apa au taita agaiana mampekiringkai apa au bara mani taita. Lawi au taita, hampalai pea, agaiana au bara mani taita, itiri au mantaha liliu hawe i hae-haena.

2 Korintu 5:6

Ido hai maroho lalunta hai taisa, tanganta mani tuwo i dunia ide, karao manike hangko i paidaanta hihimbela hai Pue Yesu hangalo.

Epesu 2:19

Ikamu au barakau to Yahudi, ide-ide barapokau tepairaoa au bara teimba taunana Pue Ala. Mewalimokau hintuwu hai ope-ope tauna au mepoinalai i Yesu. Hantina-ntinamokau hai ope-ope anana Pue Ala.

Ibarani 11:14

Tauna au manguli nodo, tongawa hangko i lolitanda apa au rahaoki. Au rahaoki iami tampo au peisa mewali tamponda haduduanda.

Ibarani 11:17

Anti pepoinalaina Burahima, i tempona napetandaka Pue Ala, ia lao mohuhu Isaki anana mewali popenombana. Hangkoia Pue Ala mololita iria, Nauli, “Batena pea pemuleana Isaki au ina raimba pemuleamu moula apa au Kudandiako.” Agaiana nauri nodo, bula laluna Burahima mohuhu anana au haduduana mewali popenombana.

Ibarani 11:27

Anti pepoinalaina, Musa mopalehi tampo Masiri; ia bara langa i karumpuna datunda to Masiri. Musa mantaha i lalu kapari, nodo au moitami Pue Ala, au bara raita.

Ibarani 11:39

Anti pepoinalainda, ope-ope tauna iti napokatanahe Pue Ala. Nauri nodo bara manihe mohumba apa au Nadandiahe.

1 Peturu 1:1

Sura ide hangko iriko, Peturu, surona Yesu Kerisitu. Sura ide kupakatu irikamu halalungku au napileimokau Pue Ala, au mahawukau i propinsi Pontus, Galatia, Kapadokia, Asia hai Bitinia, hai au maidakau nodo topolilo i olonda tauna au barahe moisa Pue Ala.

1 Peturu 1:17

Halalu, ane niuli Pue Ala iti, Umami, hangangaa mengkorukau i Pue Ala tempomi mani maida i dunia ide, nodokau topolilo. Lawi Pue Ala au nipouma iti, iami Topobotusi kara-karanda ope-ope tauna moula babehianda, hai Ia bara mampopontani tauna.

1 Peturu 2:11

Halalu au kupokaahi! Ikita i lalu dunia ide, nodoke torare ba topolilo, lawi maidake i olonda tauna au barahe mepoinalai i Pue Ala. Ido hai kuweikau lolita: ineekau moula peundeana lalumi au kadake, lawi iti moewa tunggaiami mengkoru i Pue Ala.

1 Yohane 3:19

Ane mampokaahike halalunta, manoto taisa ikita ananake Pue Ala, alana peisake mopatinda lalunta i lindoNa,