Ibarani 10:29 - Sura Malelaha

²⁹ Ane tauna au mosapuaka Aturana Musa nodo karahukuna, pelumbunami tauna au mokabaha pepoinalainda i Yesu! Tauna iti moihe-ihehe Anana Pue Ala, lawi rauli bara ara pobunduana wahena Yesu au mopakaroho dandina Pue Ala hai au mopamalelahahe. Mopakoimohe Inao Malelaha au naweike Pue Ala hangko i kabulana laluNa.

Ibarani 10:29 ပူးပေါင်းရင်းမြစ်များ

Matiu 26:28

Lawi idemi waheNgku au tebumbuha i kapateNgku. WaheNgku ide mopakaroho dandina Pue Ala au mopahintuwu Pue Ala hai manusia bona teampungi dosanda.

Matiu 7:6

Roo indo, Yesu mopahawe ngkora pandiri ide, Nauli, “Ineekau mowei paande au maroa i dike, kahopoana napenggoliikau nakeki. Ineekau mowei apa au masuli i boe bona dati napangka-pangka mbero pea.”

Markus 7:2

Tauna iti moitahe bahangkia topeguruna Yesu au maande agaiana barahe hampai memando moula adanda to Yahudi.

Lukasi 12:10

Hema au mosapuaka Ana Manusia, peisa mani teampungi salana. Agaiana hema au mosapuaka Inao Malelaha, barapi peisa raampungi salana.

Yohane 10:36

Ikomi au napilei UmaNgku au motuduNa mai i dunia. Mewali, moapari hai niuli mopapakoina Pue Ala ane Kuuli, Iko Anana Pue Ala?

Yohane 17:19

Uma, Kuhuhumi tuwoNgku au malelaha Irio bona mobundu irihira, hai ane rapeulaiNa i katou-touana, mewalihe kiraMu au malelaha.

Suro 7:51

“Halalu-halalu! Rumihi mpuu pengkabatumi hai pembongomi! Mengkantulikau mampehadingi lolitana Pue Ala! Himbelakau hai toiorunta hangkoia, lawi mosapuaka liliukau Inao Malelaha.

Roma 16:20

Pue Ala, pongka roa ngkatuwo, ina monangi hai moropui Datu Tokadake i lalu katuwomi. Halalu-halalungku! Amputa Yesu Kerisitu, mowatikau hai mamporangai liliukau.

1 Korintu 11:27

Mewali i tempo paande roti, hema au maande roti hai maenu anggoro i lalu hangana Pue moula rara au bara hintoto, tauna iti masala, lawi bara moadai watana hai wahena Pue Yesu au rapandiri nodo roti hai anggoro.

1 Korintu 11:29

Lawi tauna au maande roti moula rara au bara hintoto, ina nahukuhe Pue Ala, lawi barahe moadai watana Pue.

1 Korintu 15:25

Lawi Kerisitu hangangaa mewali datu au moparenta, duuna Pue Ala mampopengkoru ope-ope au meewa Iria,

1 Korintu 15:27

Ara teuki i lalu Sura Malelaha au manguli, “Pue Ala mampopengkoru hinangkana Iria.” Mewali taisa ntepuu, hinangkana au ara ina rapopengkoru i Kerisitu. Batena pearai Pue Ala au bara mengkoru Iria, lawi Iami au mampopengkoru hinangkana i Kerisitu.

1 Korintu 6:11

Halalu, arakau au nodo babehiami hangkoia. Agaiana Napamalelahamokau Pue Ala hai Napopewalimokau taunaNa. Napamanotomokau i peitaNa anti pohintuwumi hai Pue Yesu Kerisitu hai anti kuasana Inaona Pue Ala Amputa.

Epesu 4:30

Nikampai babehiami datikau mopakasusa Inao Malelaha au naweikau Pue Ala. Nikatuinao, Inao Malelaha iami pampekatandaina Pue Ala i lalumi au mopakanoto kaikamuna taunaNa. Anti kaarana Inao Malelaha i lalumi, niisa kaina hawena tempona Pue Ala mokabahakau hangko i dunia au kadake ide.

Epesu 5:26

Ope-ope iti Nababehi bona Napatanike mewali taunaNa, Nabahoike hangko i dosanta hai owai hai NgkoraNa,

Ibarani 10:10

Yesu Kerisitu mobabehi mpuumi peundeana Pue Ala: wataNa hambela pea Napopenomba i Pue Ala. Hai hangko i popenombaNa iti, Napamalelahamoke hawe i hae-haena.

Ibarani 12:25

Maroa-roakau, ineekau hawe moae Pue, au mongkorami irikita. To Isaraeli hangkoia, barahe mampoinalai lolitana Pue Ala au mongkora irihira i Bulu Sinai, hai batenda rahuku. Apa mani ikita au mohadi lolitana Pue Ala au mongkora irikita hangko i suruga. Ane tasapuaka NgkoraNa, batena barake tekabaha hangko i pehukuNa.

Ibarani 13:20

Mekakaena i Pue Ala, pongka roa ngkatuwo au mopakaroho podandiNa au mopahintuwuke hai Ia hawe i hae-haena, melempo i wahena Amputa Yesu au rapapate hai au Napatuwo hule hangko i kapate, hai Naangka mewali Toporewu au meliu kamaroana irikita dimbaNa.

Ibarani 2:11

Yesu, au mopamalelaha tauna, hai tauna au Napamalelahami, hadua pea Umanda. Ido hai Yesu bara maea mouli kaNapohalalunda.

Ibarani 2:3

melumbu mani pehukuna Pue Ala irikita ane barake mopailalu bambari katehorema. Hai bambari katehorema iti melumbu ntepuu kuasana hangko i aturana Musa, lawi nguru-nguruna bambari iti napahawemi Anana Pue Ala haduduaNa. Hai tauna au nguru-nguruna mohadi lolitana Yesu hangkoia mopakanotoake katouna bambari iti.

Ibarani 4:14

Mewali, ara irikita hadua Tadulako Mpenomba Mahile au meliu kamahilena tuwoNa: iami Yesu Anana Pue Ala, au mengkaoremi mesua i suruga hai lao i lindona Pue Ala. Ido hai hangangaa tapakaroho pepoinalainta hai tapangaku liliu kaYesuna Amputa.

Ibarani 6:4

Lawi tauna au raoaka mousuli hangko i pepoinalainda, barapohe peisa ranini hule bona menosohe hangko i dosanda. Lawi hangkoia, maidahe i lalu kamabaa, matana lalunda modoko pewatina Pue Ala, hai lalunda nakuasai Inao Malelaha;

Ibarani 6:6

Mewali ane roo indo, raoaka mousuli hangko i pepoinalainda, barapohe peisa ranini hule bona menosohe hangko i dosanda. Anti posapuakanda Pue Yesu, himbela peahe mopaku hule Anana Pue Ala hai rakakabosai i lindonda tauna bosa.

Ibarani 9:13

Moula Aturana Musa, ane arahe tauna au masala moula atura agama, hangangaa rabahoihe hai wahe towau laki ba japi laki au rasambale. Nodo wori, tauna iti hangangaa rakamburangiahe awu ana japi au rahuwe bona mewalihe malelaha. Mewali, ane wahe hai awu iti peisa rapake mobahoi tauna au masala moula atura agama au mokanai pea watanta,

Ibarani 9:20

Tangana Musa mobabehi iti mololitami, nauli, “Idemi wahe au mopakaroho podandina Pue Ala irikamu, hai hangangaa nipeulai podandiNa iti.”

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,