Ibarani 1:6 - Sura Malelaha

⁶ I tempona Pue Ala motudu AnaNa au haduduana mai i dunia, node lolitaNa: “Ope-ope malaekaNgku hangangaa menombahe Iria.”

Ibarani 1:6 ပူးပေါင်းရင်းမြစ်များ

Matiu 24:14

Hai Ngkora Marasa kana i poparentana Pue Ala batena rabambari i humalele dunia bona rahadi ope-ope tauna, hangko haweri kahopoa dunia.”

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 1:18

Bara ara hadua au moita Pue Ala, batena pea AnaNa Haduduana au ara liliu hihimbela hai Ia. Iami au mopakanotoake kahemana Pue Ala.

Yohane 3:16

Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa.

Roma 8:29

Lawi tauna au Napileimohe, Napakanoto womohe hangko i nguru-nguruna bona mewalihe himbela hai AnaNa, hai AnaNa iti mewali au towutu i olonda halalu au bosa.

Kolose 1:15

Pue Ala, bara taita. Agaiana peisa taita hangko i poantiNa hai kuasana Yesu, lawi poantiNa hai kuasana Yesu himbela hai Pue Ala. Yesu teimba Ana Towutu, hangko i hinangkana au Napopewali Pue Ala lawi meliu kuasaNa.

Kolose 1:18

Ikita au mepoinalai i Kerisitu rapandiri nodo wata, hai Kerisitu iami waa. Nodo waa moparentai wata, nodo wori Kerisitu moparentai ope-ope tauna au mepoinalai Iria. Ia au moweike katuwo au wou, lawi Iami au Towutu, lempona, Ia au nguru-nguruna tuwo hule hangko i kapate. Ido hai Ia mewali patoana hinangka au ara.

Ibarani 1:5

I malaeka, Pue Ala bara hambela mopahawe lolita ide: “Oiomi AnaNgku, Alo ide KupoanamoKo.” Hai Pue Ala bara wori mololita i hadua malaeka node: “Iko ina NapoumaNa, hai Ia ina Kupoana.”

Ibarani 10:5

Ido hai pane i kahawena Kerisitu i dunia ide, Ia mouliangaa Pue Ala node: “Bara Nuperapi popenomba, hai bara Nuunde popenomba au rahuwe ba binata au rasambale bona mohuru dosa tauna, agaiana wataNgkumi au Nupasilolonga bona mewali popenomba Irio au Nupokatana.

1 Peturu 3:22

Hai i karapatuwoNa hule, Yesu mengkaoremi lao i suruga, mohuda ntanda i koanana Pue Ala. Ope-ope malaeka hai au makuasa hai au moparenta, rapopengkoru hahahe Iria.

1 Yohane 4:9

Hai idemi rarana Pue Ala mopatongawa ahiNa irikita: AnaNa au haduduaNa Natudu mai i dunia bona molambike katuwo hangko Iria.

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,