Ibarani 1:14 - Sura Malelaha

¹⁴ Bara hambela, lawi malaeka iti topobagoNa peahe Pue Ala au Natudu motulungi hai mokadipura tauna au ina molambi katehorema.

Ibarani 1:14 ပူးပေါင်းရင်းမြစ်များ

Matiu 1:20

Tangana Yusupu mampepekiri iti, mangipimi. I lalu pangipina, moita hadua malaekana Pue, au mololita, nauli, “Yusupu, pemuleana Datu Daudi! Ineeko langa mampotambia Maria, lawi Anangkoi au nakantimia iti mewali anti kuasana Inao Malelaha.

Matiu 13:41

Iko Ana Manusia ina motudu malaekaNgku lao morampu ope-ope au mepakanawo hai tauna au mobabehi dake hangko i olonda taunaNgku.

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

Matiu 2:13

I pesulenda to Mata alo, mampatongawa mbulimi malaekana Pue i Yusupu i lalu pangipina. Nauli malaeka iti, “Yusupu! Herode mohaoki Anangkoi iti lawi napeinao napapate. Mearomoko, antimide Anangkoi iti hai inana lao i tampo Masiri! Maidamokau hampai inditi duuna mololita mbulina irikamu.”

Matiu 24:31

Tatamburu au mahile ina ratawue, hai ina Kutudu malaekaNgku lao mogulu tauna au Kupilei hangko i humalele dunia, mepongka i wuntuna hambali hawe i wuntuna hambali.”

Matiu 25:34

Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.

Matiu 4:11

Hangko inditi, padu mpuumi Datu Tokadake mopalehi Yesu, pane hawemohe malaeka morora.

Markus 10:17

Ina meangka mbulimi Yesu mopaliliu polumaoNa, unga pea ara hadua tauna au melangka mai Iria, liliu molingkudu i lindoNa, hai mekune, nauli, “Guru au maroa, apa au hangangaa kubabehi bona molambina katuwo maroa au bara mokahopoa?”

Lukasi 1:19

Nahanai malaeka, “Iko, Gabriel. Meangkana i lindona Pue Ala mampegia hawaNa. Iami au motuduna mai mopahaweako bambari au maroa ide.

Lukasi 1:23

Hopomi tempona mobago i Souna Pue Ala, mesulemi Sakaria lao i boeana.

Lukasi 16:22

Roo indo, matemi Lasaru, hai ia raanti malaeka lao i pohudaa au maroa i holana Burahima. Bara mahae hangko indo, mate worimi topebuku iti, hai ratawu.

Lukasi 2:13

Toporewu iti, unga peahe moita bosa malaeka hihimbela hai malaeka au nguru-nguruna inona. Malaeka iti, motoiahe Pue Ala, rauli,

Suro 11:22

Apa au mewali i Antiokia rahadi wori topepoinalai i Yerusale. Ido hai motuduhe Baranaba lao i Antiokia.

Suro 12:23

Anti pampemahilena, Herode bara mobila hai bara mau motoia Pue Ala. Ido hai unga pea nahuku malaekana Pue pane kekaindoro alana mate.

Suro 12:7

Unga pea tarunggu iti mabaa, lawi ara hadua malaekana Pue meangka i holanda. Malaeka iti morua Peturu, nauli, “Pearo holiga!” Liliu rante au rapopotaka taiena Peturu unga pea mabotu.

Suro 13:2

Hambela tempo, tanganda menomba i Pue hai mopuasa, Inao Malelaha mouliangaahe, “Kupileihe Baranaba hai Saulu mewali topobagoNgku. Nipopeangka maroahe bona laohe mampopolumao bago au Kupahaleangiahe.”

Suro 16:26

I tempo iti, unga pea ara linu rumihi alana tarunggu iti modua-dua. Ope-ope baba, unga pea tebungkahi, hai rante au rapopohilu ope-ope tauna au ratarunggu tebolehi wori.

Suro 27:23

Lawi inona kaindi, Pue Ala au kupenombai hai au mokadipurana, motudumi malaekaNa mai iriko.

Suro 5:19

Agaiana kaindi iti, hawemi hadua malaekana Pue mobungkahi baba tarunggu hai moantihe lao i raoa. Nauli malaeka iti irihira,

Roma 11:14

Hangko i pobagongku ide, kuharunga kaina aranda hangka to Yahudingku moita tauna au barahe to Yahudi mepoinalai i Pue Yesu duuna mahina lalunda hai mampeinao worihe mepoinalai Iria bona tehoremahe hangko i dosanda.

Roma 13:6

Idomi hai hangangaa mobaiarike asele bona topoparenta peisa mampopolumao bagonda au napahaleangiahe Pue Ala.

Roma 15:16

Naangkana mewali topobagona Kerisitu Yesu, hai Naposurona i tauna au barahe to Yahudi. Bagongku ide peisa rapandiri nodo pobagona tadulako mpenomba, lawi mopahawena Ngkora Marasa. Hai ihira au barahe to Yahudi au mepoinalai i Pue Yesu, kuimbahe nodo popenombaku i Pue Ala. Hai popenombaku iti, batena nadoko Pue Ala, lawi Inao Malelaha mopamalelahahe hai mampopewalihe kirana Pue Ala.

Roma 15:27

Iti rababehi mentumbu hangko i kamatanana lalunda. Hai hintoto mpuu ane tauna au barahe to Yahudi mokira-kiraahe to Yahudi anu-anu dunia, lawi hangko i to Yahudi iti, tauna au bara to Yahudi molambihe bakuna tanoananda.

Roma 8:17

Mewali, ane napoanamoke Pue Ala, taisa kaina molambita pewati au napasilolongami Pue Ala i anaNahe. Pewati iti tahumba hihimbela hai Kerisitu. Ane mantodihake himbela hai Kerisitu, i alo pebotusi ina molambi worike katuwo mahile hihimbela hai Ia.

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

2 Korintu 9:12

Popenombami iti ina mopabukei kamakuranda to Sarani i Yerusale. Hai bara iti pea, anti kabulana lalumi, bosa tauna manguli ngkaia kamaroana i Pue Ala.

Galatia 3:29

Anti pohintuwuta hai Kerisitu, Naimbamoke pemuleana Burahima, hai batena mohumbake apa au nadandi Pue Ala, iria.

Galatia 3:7

Mewali, taisami halalu: hema au mepoinalai, ihira au teimba pemuleana Burahima.

Galatia 3:9

Mewali nodo Burahima nawati Pue Ala anti pepoinalaina, nodo wori ope-ope tauna au mepoinalai i Yesu batena ina nawatihe Pue Ala hihimbela hai Burahima.

Epesu 3:6

Tunggaia iti iami: tauna au barahe to Yahudi molambi worihe pewatina Pue Ala hihimbela hai to Yahudi. Napopewalimohe Pue Ala hawata-wata hai to Yahudi bona molambi worihe apa au nadandi Pue Ala i ope-ope anaNa. Iti ralambi anti pohintuwunda hai Kerisitu Yesu, lawi mopoinalaihe Ngkora Marasa.

Pilipi 2:17

Halalu, i kakubambariami Ngkora Marasa hangkoia, mewalimokau mepoinalai i Pue Yesu, hai mopaisarekau katuwomi Iria bona moulakau peundeaNa. Mewali, kehapirina rahuku mate anti pobagongku mopahaweakau Ngkora Marasa, bara kupousulia. Batena kuuli liliu ngkaia kamaroana i Pue Ala, hai matanana hihimbela hai ikamu.

Pilipi 2:25

Ane halalunta Epafroditus, au mahaemi nitudu mai modureina, kutudumi mesule irikamu. Ikami rodua, nodongkai tauna au hihimbela lao mombeala, lawi hampopobagongkai i lalu bagona Pue, hai natulungimona i lalu kaparingku.

2 Tesalonika 1:7

Hai Ia ina mokabahakau hangko i kaparimi, nodo wori ikami. Hinangkana iti ina Nababehi i kahawena hule Pue Yesu au ina mendaulu mai hangko i suruga hai malaekaNa au makuasa hai api au lolaa.

Titu 3:7

Tunggaiana Pue Ala mobabehi nodo irikita bona hangko i kabulana laluNa, Naimbamoke tauna au manoto bona molambike katuwo maroa au bara mokahopoa, nodo au Nadandimi i ope-ope tauna au Napoana.

Ibarani 10:11

Alo-alona ope-ope tadulako mpenomba agama Yahudi mampopolumaohe bagonda, hai mohuhu liliuhe popenomba au himbela, au bara peisa moumpahi dosa.

Ibarani 2:3

melumbu mani pehukuna Pue Ala irikita ane barake mopailalu bambari katehorema. Hai bambari katehorema iti melumbu ntepuu kuasana hangko i aturana Musa, lawi nguru-nguruna bambari iti napahawemi Anana Pue Ala haduduaNa. Hai tauna au nguru-nguruna mohadi lolitana Yesu hangkoia mopakanotoake katouna bambari iti.

Ibarani 5:9

Hai anti pengkoruNa, Yesu mewali Topehompo au bara ara kamakuraNa, hai Ia mowei ope-ope tauna au mengkoru Iria katuwo maroa au bara mokahopoa.

Ibarani 6:12

Ineekau ara au lohe mampeulai peundeana Pue Ala. Niala pandiri i tauna au mepoinalai i Pue Ala hai au sabarahe mampegia apa au Nadandiahe.

Ibarani 6:17

Nodo wori Pue Ala: i popahaweNa dandiNa i Burahima hai i ope-ope tauna au ina modoko dandi iti, Napeinao mopakaroho lalunda bona raisa kadana tebali tunggaiaNa irihira. Ido hai Napakaroho mbuli dandiNa hai posumpaNa.

Ibarani 8:6

Agaiana pobagona Pue Yesu meliu kamaroana hangko i pobagonda tadulako mpenomba i dunia ide, lawi Yesu mewali nente au mopahawemi podandina Pue Ala au wou, au melumbu kamaroana hangko i podandi au napahawemi Musa. Hai hangko i podandi au wou iti, molambike dandina Pue Ala au meruu kamaroana.

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.

Yakobu 2:5

Halalungku au kupokaahi! Nipehadingi maroa: tauna au meahi-ahi tuwonda i dunia ide napileihe Pue Ala bona mewalihe pebuku i pepoinalainda. Ina molambi sosoranda i lalu poparentaNa moula dandina Pue Ala i tauna au maahi Iria.

1 Peturu 1:12

Hai Pue Ala mampopaisaahe nabi-nabi hangkoia barahe mopahawe bambari kana i watanda haduduanda. Agaiana ikamuri au ratunggai. Hai ide-ide, apa au rapahawe nabi-nabi hangkoia, rapahawemi i kanoto-notoana irikamu, lawi aramohe tauna au mopahaweakau Ngkora Marasa melempo i kuasana Inao Malelaha au hangko i Pue Ala. Mogalori malaeka, mampeinao worihe moisa kana i katuwo maroa au nihumba iti.

1 Peturu 1:4

Taharunga kaina molambita pewati au napasilolongaamoke Pue Ala i suruga. Pewati iti bara ina marugi ba kadake ba tebali.

1 Peturu 3:7

Nodo wori ikamu tobalilo, hangangaa mohintuwukau hai towawinemi, hai hangangaa nipekiri noumba rarami motulungihe, lawi rohonda bara nodo rohomi. Agaiana nauri nodo, towawinemi batena himbela hai ikamu i peitana Pue Ala, lawi hangko i kabulaNa laluNa Pue Ala mowei worihe katuwo au bara mokahopoa himbela hai ikamu. Idomi hai hintoto mpuuhe nibila. Lawi ane barahe nibila, pekakaemi bara ina napehadingi Pue Ala.

Yudasi 1:14

Ara lolitana Heno hangkoia au mampololita pehukuna Pue Ala i guru au mepakanawohe i tempo ide. Heno iti iami pemuleana Adama au kapituna lapina. Nauli node, “Tou-tou Pue ina mai hihimbela hai malaekaNa au malelaha au kabosanda isabuna.

Pampetudungia 5:6

Roo indo, kuita i olo kadera kadatua hai pinatuwo au iba hai totosae iti, meangkami hambaa Ana Dimba. Hai kuita arami lari pesambalea. TanduNa pitu mbuana, hai mataNa wori pitu. MataNa au pitu iti, lempona Inaona Pue Ala au mampopolumao pitu pakana bago hai au Natudu lao i humalele dunia.