Galatia 2:4 - Sura Malelaha

⁴ nauri ara au mopari-pari bona ratile. Ihira iti iamohe tauna au mouli katoSaraninda agaiana dongkonda pea. Mesua ngkandii-ndiihe i olongki lawi tunggaianda bona ope-ope to Sarani hangangaa mengkoruhe i Aturana Musa. Agaiana ikita barake paraluu mengkoru i atura iti bona manotoke i peitana Pue Ala. Ikita tekabahamoke hangko i aturana Musa anti pohintuwuta hai Kerisitu Yesu.

Galatia 2:4 ပူးပေါင်းရင်းမြစ်များ

Lukasi 5:38

Mewali anggoro au wou hangangaa rakando wori i pambolia au wou.

Suro 15:1

Hambela tempo, bahangkia to Yahudi hangko i tampo Yudea au mepoinalai i Pue Yesu laohe i wanua Antiokia. To Yahudi iti mopaturohe to Sarani i Antiokia, rauliangaahe, “Ane barakau ratile moula atura au napahawe Musa, batena barakau ina tehorema hangko i huku dosami!”

Suro 15:24

Ara kihadi bahangkia tauna hangko irikami inde au lao irikamu mopawulikau i lalu pepoinalaimi hai paturonda. Mewali bona niisa: barahe kitudu.

Suro 20:30

Mainga-ingakau lawi ara worihe i olonta au ina mopawuli tauna au mepoinalai i Yesu bona raantihe i rara au mepakanawo. Nikatuinao, halalu, i lalu talu parena, barana mengkaroo mopaturokau hadua-hadua, maroa mabaa maroa kaindi, hai bosa wori belana tudo owai matangku moteriahikau.

Roma 8:15

Hangkoia, nodoke hawi, lawi langake i pehukuna Pue Ala. Agaiana ide-ide, anti polambitami Inao Malelaha, barapoke langa. Lawi Inao Malelaha itimi au mampopewalike anana Pue Ala. Hai anti pokalena Inao Malelaha, baimoke mokakio Pue Ala, “Uma!”

2 Korintu 11:13

Tauna au nodo, iami suro au mepakanawo. Mobagohe i olomi nodo surona Kerisitu, agaiana modongkohe!

2 Korintu 11:17

Ide-ide ina kupomahile watangku. Agaiana bara Pue au motuduna mololita node. Mololitana nodo tontuli.

2 Korintu 11:20

Ane arahe guru au mampohawikau, nidokohe. Ane arahe au mopakanawokau hai mobagiukau, nidokohe. Ane arahe au mampemahile hai mohapakau, nitodiha pea.

2 Korintu 11:26

I lalu polumaongku, bosa belangku hurewu; narumpana owai meumbala. Molambina rugi i taienda topanangka. Rapopeahi-ahina to Yahudi. Rapopeahi-ahina tauna au barahe to Yahudi. Molambina rugi i lalu wanua hai i raoa wanua. Molambina rugi i wongko tahi. Molambina rugi hangko i tauna au mouli kaihirana halalungku hampepepoinalai, agaiana katouana bara!

2 Korintu 3:17

Lawi Pue iami Inao Malelaha. Hai ane Inaona Pue maida i lalunta, ina tekabahake hangko i hinangka kuasa au mogaakike hangko i Pue.

Galatia 1:7

Katouana paturo iti bara peisa mopahaweake noumba rara molambi katuwo maroa hangko i Pue Ala, batena pea Ngkora Marasa au kipahaweakau. Ide-ide arahe tauna au hawe i olomi au mopawulikau hai paturonda au sala, tunggaianda mampeinaohe mobaliki Ngkora Marasa kana i Kerisitu.

Galatia 4:25

Mewali, Hagari au hawi tuwona rapandiri nodo Atura au nadoko Musa i wongko Bulu Sinai i tampo Arabia. Hai Hagari iti peisa wori rapandiri nodo wanua Yerusale au ara i dunia ide. Lawi ampu wanua Yerusale tuwohe nodo hawi, lawi mengkoruhe i Aturana Musa.

Galatia 4:3

Nodo wori ikita halalu: hangko damanike moisa Pue Ala, nodoke anangkoi iti, lawi mengkoruke i ada hai hinangka kuasa dunia ide.

Galatia 5:1

Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.

Galatia 5:10

Nauri nodo, batena pea kupoinalai kadami mampeulai paturo au mepawuli iti, lawi mohintuwumoke hai Pue Yesu. Hai manoto wori iriko, hema pea au mopawulikau hai paturonda, batena nahukuhe Pue Ala.

2 Timotiu 3:6

Aramohe i olonda au mandii-ndii moanti paturo au sala i sounda ranganda, hai mopakanawohe towawine au malede au ngkaia dosanda hai au nakuasaihe mampopengaa peundeana lalunda.

Yakobu 1:25

Ido hai hangangaa nipailalu maroa Ngkorana Pue Ala hai nipeulai liliu. Lawi Ngkorana Pue bara ara kamakurana, hai ara kuasana mokabahake hangko i dosa. Mewali, inee nipehadingi pea Ngkora iti hai naliu inaomi. Hangangaa nipeulai Ngkora iti, lawi ope-ope tauna au mobabehi nodo, batena nawatihe Pue Ala i apa pea au rapobago.

1 Peturu 2:16

Katouana, ikita to Sarani, barapoke napohawi dosa. Lempona, barapoke mampeulai peundeana lalunta au kadake, lawi Nakabahamoke Pue Ala hangko i kuasa dosa. Agaiana, katekabahanta iti inee niporara mobabehi dake. Agina moulamokau peundeana Pue Ala, lawi hawiNa mpuumokau.

2 Peturu 2:19

Rauli guru iti, “Ane nipeulai paturongki, ina tekabahakau hangko i atura-atura, hai peisa mobabehi apa pea peundeami.” Mole ihirari au tuwo nodo hawi, lawi nakuasaihe peundeana lalunda au kadake, hai hema au nakuasai peundeana laluna au kadake, lempona napohawi peundeana laluna iti.

1 Yohane 4:1

Halalu au kupokaahi! Ineehe hampai nipoinalai ope-ope tauna au mouli kaarana Inaona Pue Ala irihira. Nipeita maroahe, ba tou-tou mpuuhe hangko i Pue Ala ba bara. Lawi iumba-umba pea, arahe nabi au mepawuli.

Yudasi 1:4

Kuuli ope-ope ide lawi arahe guru agama au mesua i olomi au moantihe paturo au sala. Tauna iti mangulihe, kaihiranami halalunta hampepepoinalai, agaiana katouana barahe mengkoru i Pue Ala. Rauli wori, peisatoke mampeulai peundeana lalunta au kadake, lawi Pue Ala maahi laluNa. Paturo iti kadake, lawi mobalikihe paturo au tou kana i kabulana laluna Pue Ala, hai mosapuakahe Datunta hai Amputa, Yesu Kerisitu. Ia pea au hintoto tapengkorui. Guru au mepakanawohe iti, ina rahukuhe, lawi hangkoia ara mpuuhe nabi au mampololita kana i hukuanda au napakanotoahe Pue Ala.