Galatia 1:9 - Sura Malelaha

⁹ Kiuliangaamokau hangkoia, i tempoki mani hihimbela hai ikamu inditi, hai ide-ide kuuliangaa mbulikau hambela: ane ara tauna au mobambari ngkora marasa au ntanina hangko i apa au nidokomi, batena nahukuhe Pue Ala!

Galatia 1:9 ပူးပေါင်းရင်းမြစ်များ

Suro 18:23

Bahangkia kamahaena hihimbela hai halalu hampepepoinalaina i Antiokia, meangka mbulimi lao i tampo Galatia hai Frigia mopakaroho pepoinalainda tauna au mepoinalai i Pue Yesu.

Roma 16:17

Halalu hampepepoinalai, kupopaingaakau bona hangangaa maroa-roakau i tauna au mopaara pogaa-gaa hai au rapeinao mopakanawokau i paturonda au montani hai paturo au rapaturoamokau. Nikaraohihe tauna au nodo!

Roma 9:3

Ane kepeisa, aginami iko au rapaharara hai ragaakina hangko i Kerisitu, asala halalungku to Yahudi rakabahahe hangko i huku dosanda.

2 Korintu 1:17

Agaiana tunggaiaku iti tebalikimi. Mewali ba nipehanguri bara tou dandiku? Ba niuliri, kubabehi pea tunggaiaku moula peundeaku haduduangku; hambelana manguli, “Io,” roo indo, kuuli mbuli, “Bara”?

Pilipi 3:1

Mewali halalu, hangangaa matanakau, lawi mohintuwumokau hai Pue. Bara kupomapari mohuleki apa au kuuki hangkoia, lawi kupeinao bona mepoinalai liliukau i paturo au tou.

Pilipi 4:4

Halalu, hangangaa matana-tana liliukau i lalu pohintuwumi hai Pue. Hambela mani kuuli: hangangaa matana-tanakau.