Epesu 6:9 - Sura Malelaha

⁹ Hai ikamu ampu hawi, hangangaa nipamaroa-roa wori babehiami i hawimi. Ineehe nipopopara. Hangangaa nikatuinao ikamu ampu hai hawi, hadua pea Ampumi, iami Pue i lalu suruga au bara mampopontani tauna.

Epesu 6:9 ပူးပေါင်းရင်းမြစ်များ

Matiu 22:10

Lao mpuumohe hawi iti i penga-penga rara, mokakio ope-ope tauna au moliu, bara rapopontani au maroa babehianda ba au kadake. Kahopoana, buke mpuumi sou petaunaa hai torare.

Matiu 22:8

Roo indo, nakakio mbulimohe hawina, nauliangaahe: ‘Posusa petauna masilolongami, agaiana tauna au kukakiomi, barahe hintoto.

Matiu 24:48

Agaiana noumba ane hawi iti bara maroa poantina? Nauli laluna: ‘Barato ina polo hawe ampuku!’ alana barapi mampopolumao bagona.

Matiu 24:51

Hawi iti ina napapahai hai natende i raoa nodo hadua topodongko. Inditi, ia ina moteria hai mantodiha.”

Matiu 7:12

“I paka-pakana, apa au niunde rababehi rangami irikamu, iti wori au hangangaa nibabehi i rangami. Itimi paturona Aturana Musa hai paturonda nabi.

Lukasi 6:31

I paka-pakana, apa au niunde rababehi rangami irikamu, iti wori au hangangaa nibabehi i rangami.

Yohane 13:13

NikakioNa Guru hai Pue. Lolitami iti tou, lawi tou mpuu Ikomi Guru hai Pue.

Suro 10:34

Napepongkami Peturu mololita, nauli, “Ide-ide kuisa mpuumi, Pue Ala bara mampopontani tauna.

Roma 2:11

Lawi Pue Ala bara mampopontani tauna.

1 Korintu 7:22

Hawi tuwonta ba bara, himbela peake i peitana Pue Ala. Lawi hadua hawi au nakakio Pue Ala mewali to Sarani, tekabahami hangko i huku dosana anti pohintuwuna hai Pue. Nodo wori, hadua tauna au bara hawi tuwona au nakakio Pue Ala mepoinalai i Pue Yesu, ina mewali hawina Kerisitu.

Kolose 3:25

Hema pea au mobabehi dake ina mohumba wori hurungina au kadake, lawi Pue bara mampopontani tauna.

Kolose 4:1

Ikamu ampu hawi, niweihe hawimi apa au maroa hai au hintoto, lawi niisa kaarana wori Ampumi i suruga.

Yakobu 2:13

Lawi hema au bara ara kamaahina i rangana ina rahuku, hai i karahukuna iti, bara ina ara kamaahina Pue Ala iria. Agaiana tauna au ara kamaahina i rangana, Pue Ala ina motudungia kamaahiNa iria i alo pebotusi.

Yakobu 2:8

Maroa babehiami ane mampeulaikau hawana Datunta au i lalu Sura Malelaha au manguli, “Nipokaahi hangka rangami nodo pampokaahimi watami haduduami.”

Yakobu 5:4

Ikamu barakau mobaiari saronda tauna au mobagohe i bondemi. Ide-ide nipehadingi peraroanda! Tauna au meparehe i bondemi, meraroahe merapi tulungi hai peraroanda napehadingimi Pue Ala au makuasa.