Epesu 6:5 - Sura Malelaha

⁵ Halalungku au mewali hawi, nipeulai hawana ampumi i lalu dunia ide. Nibila hai nipengkoruihe hangko i kabulana lalumi. Nibabehi iti nodo pengkorumi i Kerisitu.

Epesu 6:5 ပူးပေါင်းရင်းမြစ်များ

Matiu 6:22

“Matami iami hulona watami, lawi ane maroa matami, manoto petotokimi.

Matiu 6:24

“Bara ara hadua tauna au nabuku mampobagoa rodua tauna, lawi hadua ina napokaahi, hai hadua nakahihi. Hadua ina napeulai hawana, hai hadua bara napeulai. Nodo wori ikamu, barakau peisa mampeulai peundeana Pue Ala, hai mohaoki worikau anu-anu dunia.”

Matiu 8:9

Kuisa Oio au makuasa mobabehi iti, lawi ide iko, ara wori au i wongkoku, hai ara worihe au kupohawaa. Ane rapana kupohawaa hadua surodado, kuuliangaa, ‘Laoko!’ hangangaa lao. Ane kukakio surodado au ntanina, ‘Maiko!’ hangangaa mai. Ane kuuliangaa hawingku, ‘Babehi iti!’ hangangaa nababehi. Nodo wori Oio Tua, apa au Nuuli inde, itimi au ina mewali i soungku.”

Suro 2:46

Alo-alona teruhuhe i Souna Pue Ala. Mokira-kirahe roti anti pokatuinaonda Pue Yesu, hai maande sambelahe i sounda i lalu katana-tana moula kabulana lalunda.

Roma 9:3

Ane kepeisa, aginami iko au rapaharara hai ragaakina hangko i Kerisitu, asala halalungku to Yahudi rakabahahe hangko i huku dosanda.

1 Korintu 2:3

Hawena irikamu, maledena, hai moradana anti kalangangku.

1 Korintu 7:22

Hawi tuwonta ba bara, himbela peake i peitana Pue Ala. Lawi hadua hawi au nakakio Pue Ala mewali to Sarani, tekabahami hangko i huku dosana anti pohintuwuna hai Pue. Nodo wori, hadua tauna au bara hawi tuwona au nakakio Pue Ala mepoinalai i Pue Yesu, ina mewali hawina Kerisitu.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

2 Korintu 7:15

Hai ia wori, tetambai ahina irikamu, lawi nakatuinao noumba peulami i hawana. Nidoko maroami hai mengkoru mpuukau iria.

Epesu 5:22

Ikamu towawine, hangangaa mengkorukau i tobalilomi, nodo pengkorumi i Pue.

Epesu 6:24

Pue mowati ope-ope tauna au mampokakaia Amputa Yesu Kerisitu hai ahi au bara ara kahopoana. Hangko iriko PAULU

Pilipi 2:12

Mewali, halalu au kupokaahi, noumba kanipeulainami hawangku tangangku mani ara hihimbela hai ikamu, hangangaa melumbu mani ide-ide i tempoku karao hangko irikamu. Kuperapi bona nipamaroa-roa babehiami hintoto hai babehia tauna au nahorema Pue Ala hangko i huku dosanda. Mengkorukau i Pue Ala, hai hangangaa langakau mobabehi apa au kadake.

Pilemo 1:16

Hai Onesimus iti, ineemi nuimba hawimu lawi melumbu tuwona hangko i kahawina. Ide-ide hangangaa nuimbami halalumu hampepepoinalai au nupokaahi. Ane iko maahina iria, apa mani oio. Hangangaa nupokaahi lawi ia hangka manusiamu hai halalumu i lalu Pue Yesu.

1 Peturu 3:2

lawi ane moitahe babehiami au malelaha hai pengkorumi, itimi au moantihe mepoinalai i Pue.