Epesu 5:18 - Sura Malelaha

¹⁸ Ineekau malangu-langu, lawi iti ina moantikau mobabehi ngkaia pakana dake, agaiana hangangaa nakuasai peamokau Inao Malelaha. Anti kuasana Inao Malelaha iti,

Epesu 5:18 ပူးပေါင်းရင်းမြစ်များ

Matiu 23:25

Hurewumokau, guru agama hai toParisi! Maroa i raoa peakau! Ikamu nodo hadua tauna au mobahoi paenua hai tabo i raoana pea. Agaiana i lalumi buke pehioro hai dosa.

Matiu 24:49

Napepongkami mopapahai hangka hawina, pane maande hai maenu liliu hihimbela hai tauna au malangu-langu.

Lukasi 1:15

Ia ina mewali tauna au mahile tuwona i peitana Pue Ala. Ia bara ina maenu apa au melangui. Hai mepongka i karapoanakana, ina nakuasai Inao Malelaha.

Lukasi 11:13

Kehapirikau kadake, niisa mani mowei apa au maroa i anami. Apa mani Umami au ara i suruga! Batena ina mowei Inao Malelaha i tauna au merapi Iria.”

Lukasi 12:45

Agaiana noumba ane hawi iti bara maroa poantina? Nauli laluna, ‘Bara ina polo hawe ampuku,’ alana barapi mampopolumao bagona. Napepongkami mopapahaihe hangka hawina maroa towawine maroa tobalilo. Ia maande hai maenu liliu duuna malangu-langu.

Lukasi 21:34

“Mainga-ingakau, datikau mosusa-susa hai malangu-langu liliu. Mainga-ingakau datikau mampepekiri liliu katuwomi i dunia ide, alana mampomaleakau. Lawi alo kahaweNgku hule unga pea ina morumpa ope-ope tauna i dunia. KahaweNgku hule iti peisa rapandiri nodo tilobu au mopakanawo tauna au mampomalea.

Yohane 2:10

nauliangaa, “Matama mpuu ide anggoro. Katouana moula adanta, anggoro au maroa hangangaa rapoperora ioru. Ane nahadimohe maenu, hangko rakandori au bara gaga maroa. Agaiana oio, nupaibokori anggoro au matama, hai ide-ide hangko nupopesuwuri.”

Roma 13:13

Nibabehi babehia au hintoto i kabaakana. Ineekau mosusa-susa hai malangu-langu. I babehia tobalilo hai towawine, ineekau mobabehi babehia au sala ba au moula peundeana lalunta au kadake. Ineekau mobungka-bungka ba mahina.

1 Korintu 11:21

Lawi i poteruhumi, arakau au moande hai moenu mpoioru paandemi hai anggoromi i lindonda rangami au meahi-ahi alana ikamu malangumokau, hai ihira marimi hai mangkadouhe.

1 Korintu 5:11

Tunggaiaku iami: ineekau mampogaloa tauna au mouli peamohe katoSaraninda agaiana mobabehi liliuhe sala, mehiorohe, menombahe i anitu, metunda-tundahe, malanguhe, hai modongkohe. Mogalorikau maande sambela hai tauna au nodo, inee!

1 Korintu 6:10

au manangka, au mehioro, au malangu-langu, au mepakadake, hai au modongko. Tauna au nodo, barahe mewali taunana Pue Ala i lalu poparentaNa.

1 Tesalonika 5:7

Lawi tauna au ara i lalu kamakaindi, leta peahe, malangu-languhe hai bara manoto pekirinda.

Titu 1:6

Hai tauna au raangka mewali penatua, hangangaa tauna au bara ara au peisa rasalaia, au hadua pea towawinena; anana hangangaa mepoinalai wori i Kerisitu hai barahe makasara hai barahe mearoha.