Epesu 5:1 - Sura Malelaha

¹ Mewali, lawi napoanamokau Pue Ala hai Napokaahikau, ido hai hangangaa moulakau poantina Pue Ala.

Epesu 5:1 ပူးပေါင်းရင်းမြစ်များ

Matiu 5:45

Lawi ane maroa lalumi i iwalimi, babehiami ina nodo babehiana Umami au ara i suruga, hai ina tongawa kaikamuna anana Pue Ala. Lawi Pue Ala maroa laluna i ope-ope tauna. Ia mampopesupa alo i tauna au maroa hai i tauna au kadake. Napopendaulu uda i tauna au manoto hai i tauna au motengko lalunda.

Matiu 5:48

Kamaahina Umami i suruga, bara ara kamakurana. Mewali, iti wori au hangangaa nibabehi.”

Yohane 1:12

Agaiana hema-hema au modoko hai mepoinalai Iria, ihirami au Napopewalihe anana Pue Ala.

Epesu 4:32

Hangangaa maroa lalumi, mampokaahikau rangami, hai niampungi salana hangka rangami, nodo Pue Ala moampungi salami anti pohintuwumi hai Kerisitu.

Pilipi 2:15

bona tongawa i ope-ope tauna ikamu ananakau Pue Ala, bara ara kamasalami, malelaha tuwomi hai bara ara tunggaiami au kadake. Nodo betue au mewangka mosimbaki kamakaindi, nodo worikau ikamu au maida i olonda tauna au motengko babehianda hai au kadake lalunda,

Kolose 3:12

Pue Ala mampokaahikau hai mopileimokau mewali kiraNa au malelaha. Idomi hai: hangangaa mombetulungikau, hangangaa maroa lalumi hadua hai hadua, mengkaiwoikau, nipamaalusu poantimi, hai sabarakau.

1 Yohane 4:11

Halalu au kupokaahi, nodomi kamahilena ahina Pue Ala irikita! Ido hai hangangaa mombepokaahi worike hadua hai hadua.