Epesu 4:31 - Sura Malelaha

³¹ Mewali, nikabahami ope-ope babehia au node: hai lalu, karumpu, pepailalu, pobungka, pepakadake, hai pekakabosai. Nikabahami babehia iti hai hinangka babehia au kadake.

Epesu 4:31 ပူးပေါင်းရင်းမြစ်များ

Suro 21:30

Hangko inditi, mogewo-gewomohe tauna i humalele Yerusale, hai mokoloromohe tauna bosa lao i Souna Pue Ala. Rahakami Paulu hai rabisoso hangko i lalu Souna Pue Ala. Roo indo, liliu babaka Souna Pue Ala ratuko.

Roma 3:14

Ope-ope lolitanda petatarahu pea hai petunda-tunda.

1 Korintu 14:20

Halalu! Ineekau nodo pekiri anangkoi, hangangaa manoto lalumi nodo hadua tosae. Agaiana i babehiami, ikamu hangangaa nodokau hadua analei au bara mani naisa mobabehi apa au kadake.

1 Korintu 5:8

Mewali, mamposusaimoke Posusa Pasa i lalunta. Hangangaa tatende ragi au hae, lempona babehianta hangkoia au kadake. Hai hangangaa maandeke roti au wou au bara raragii. Lempona hangangaa moulake peundeana Pue Ala hangko i kabulana lalunta.

2 Korintu 12:20

Au kupokalanga ane laokau kusondaki kulambikau bara nodo au kupeinao hai hawena irikamu bara nodo au niharunga. Langana ane arakau au mohiho hai mombekahinai, mombekarumpui hadua hai hadua, mengkaiwongko, mombekakabosai, mombepodongkoa, mampemahile, hai au mehawu-hawu

Galatia 5:20

menomba i anitu, mampopobundu kuasa hangko i seta; mokahihi rangana, mobungka-bungka, mohiri, polo rumpu, mengkaiwongko, mosisisala hai mepopogaa-gaa,

Epesu 4:22

hangangaa nitendemi babehiami au hangkoia hangko damanikau mepoinalai i Pue. Ope-ope peundeana lalumi au nipeulai i tempo iti mopakanawokau hai mopakarugi katuwomi.

Epesu 4:25

Mewali halalu, nitendemi dongko. Nipololitami apa au tou i hangka rangami, lawi ikita ope-ope hangkirake hangko i Watana Kerisitu.

Epesu 4:26

Ane rumpukau, inee nipogiangaa karumpumi iti moantikau madosa. Ineekau mowoli karumpumi duuna tampu alo,

Kolose 3:19

Hai ikamu wori tobalilo, hangangaa mampokaahikau towawinemi. Ineekau makasara irihira.

Kolose 3:8

Agaiana ide-ide, hangangaa nikabaha ope-ope babehia kadake iti, nodo: karumpu kahengke pekahihi poanti-anti lolita au bara tou kana i tauna ntanina, petatarahu.

1 Timotiu 3:11

Nodo wori towawinenda, hangangaa manoto babehianda hai au hintotohe rabila. Barahe topoanti-anti lolita. Hangangaa raisa morempeki peundeana lalunda au kadake, hai hangangaa rapoinalaihe i paka-pakana.

1 Timotiu 3:3

Bara peisa au malangu-langu ba au paka mobungka-bungka. Hangangaa au maalusu poantina, au mohintuwu hai rangana, hai au bara mohaoki pea doi.

1 Timotiu 5:13

Mewali, ane mangura manihe, inee rauki hanganda i lalu sura poukia hanga-hanga tobemba. Lawi biasana lohehe mampopolumao bagonda au hintoto i lindona Pue, hai mesonda-sonda pea bagonda. Hai bara pea iti, agaiana moanti-anti worihe lolita i ranganda. Raunde peami mampesuaki urusiana ranganda, hai mopahawe liliuhe lolita au bara hintoto rahowara.

2 Timotiu 2:23

Arahe tauna au mampombehanaingi liliu paturo au bara mobundu, agaiana bara mani manoto i lalunda paturo au tou. Inee nupesuaki pombehahanainda iti, lawi nuisa paturo iti mopaara pea posisala.

2 Timotiu 3:3

Barahe maahi, hai bara raisa mohintuwu. Ina mokakabosai liliuhe ranganda, barahe morempeki peundeana watanda, masekehe, hai mokahihihe apa pea au maroa.

Titu 1:7

Tauna au mewali penatua, ihirami au mokadipura bagona Pue Ala. Ido hai hangangaa nuangka tauna au bara ara au peisa rasalaia, au bara mampemahile ba au masodo, au bara malangu-langu ba topombetie ba au mohaoki pea doi.

Titu 2:3

Nodo wori towawine au saemohe, nupaturohe bona babehianda hintoto hai tauna au mengkoru i Pue Ala; ineehe manguli au bara tou kana i ranganda, hai ineehe paka maenu-enu. Hangangaa mopaguru liliuhe ranganda bona maroa babehianda.

Yakobu 1:19

Halalungku au kupokaahi! Nipailalu maroa lolita ide: ikita ope-ope hangangaa manaki talinganta mampehadingi lolitana tauna, hai ineeke sosa mololita hai ineeke hoholiga rumpu.

Yakobu 3:14

Agaiana ane ara lalumi mahina i rangami hai nipeinao mopaioru watami haduduami, ineekau mampemahile hai inee nipehangu ikamumi tauna au manoto lalumi. Lawi babehia iti mosisala hai paturo au tou.

Yakobu 4:11

Halalu, ineekau mombepakadake. Ane ara hadua tauna au mopakadake rangana ba mopakisala halaluna, lempona mopakadake hai mopakisala wori Aturana Pue Ala. Tauna au mopakadake halaluna, bara moula Aturana Pue. Anti babehiana au sala iti, ia peisa rapandiri nodo hadua topobotusi au mosalai Aturana Pue Ala.

1 Peturu 2:1

Mewali, halalu, anti kamolambimimi katuwo au wou, hangangaa nikabaha hinangkana babehiami au kadake hai ope-ope lolita au mepakanawo. Ineekau mengka-mengka, ineekau mahina, ineekau mepakadake.

1 Yohane 3:12

Ineeke mampeulai babehiana Kai. Kai iti napoana Datu Tokadake, alana mopapate adina. Moapari pane ia mopapate adina? Lawi ia kadake babehiana, agaiana adina manoto babehiana.

1 Yohane 3:15

Hema au bara mampokaahi halaluna, himbela pea hai topepapate. Hai niisa halalu: bara ara topepapate au molambi katuwo maroa au bara mokahopoa.

Pampetudungia 12:10

Roo iti, kuhadi hambua wotu i suruga au mololita masisimbuku, nauli, “Hawemi tempona Amputa Pue Ala mowei katehorema i taunaNa, mopatongawa kuasaNa, hai mepongkami moparenta. Hawemi tempona Datu Topehompo au Napilei Pue Ala ina mopatongawa kamakuasaNa. Lawi Datu Tokadake rapopelohomi hangko i suruga; iami au mosalai liliuhe halalunta hampepepoinalai i lindona Amputa Pue Ala.