Epesu 4:28 - Sura Malelaha

²⁸ Tauna au manangka, ineemohe manangka. Aginda mobago bona molambihe apa au raparaluu hai bona peisa worihe motulungi ranganda au mapari.

Epesu 4:28 ပူးပေါင်းရင်းမြစ်များ

Lukasi 19:8

Tangana Yesu i lalu sou, meangkami Sakeu hai mololita nauli, “Pue, hantanga hangko i ope-ope anu-anungku ina kuweihe tauna au meahi-ahi tuwonda. Hai hema pea au kubagiu, ina kupopesuleahe iba belana hangko i apa au kubagiungaahe.”

Lukasi 3:8

Ane tou-tou menosokau hangko i dosami, nibabehimide babehia au maroa. Hai inee nauli lalumi: ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi: ane naunde Pue Ala, pemuleana Burahima peisa Napopewali hangko i watu ide.

Yohane 12:6

Katouana, Yudasi bara mampekiri katuwonda topeahi-ahi, lawi ia topanangka! Ia topamboli doinda, hai hambela-hambela naala ngkabuni.

Yohane 13:29

Hanggaahe mampehangu Yesu motudu Yudasi lao moholo apa au raparaluu i posusanda, ba mowei doi i tauna au meahi-ahi, lawi Yudasi topamboli doi.

Roma 12:13

Nitulungihe rangami hampepepoinalai au ara i lalu kamakuranda. Hangangaa matanakau modoko torare.

1 Korintu 4:12

Mobago mantimingkai haduduangki. Ane arahe au motunda-tundangkai, kihurungihe hai pewati. Ane arahe au mampopeahi-ahingkai, kitodiha pea.

2 Korintu 8:12

Lawi ane mampeinaoke motulungi ranganta hai mokirake popenombata moula apa au ara irikita, popenombata iti nadoko Pue Ala. Bara Naperapi irikita apa au meliu hangko i pesauruanta.

2 Korintu 8:2

Molambihe pekelo hai kapari au mantimi mpuu. Agaiana i lalu kaparinda iti, matanahe. Hai nauri meahi-ahi mpuu tuwonda, mahile ahinda mogulu doi rapopotulungi ranganda.

Galatia 6:10

Ido hai, liana mani ara loga au raweike, hangangaa mobabehike apa au maroa i ope-ope tauna, pelumbunami i halalunta hampepepoinalai.

1 Timotiu 6:18

Nuweihe lolita bona manoto liliu babehianda, maroa lalunda: motulungihe hangka ranganda hai ineehe bohi.

Titu 3:14

Halalunta hampepepoinalai hangangaa mampopolumao liliuhe bago au maroa bona molambihe apa au raparaluu alo-alona, hai bona tuwonda bara mbero-mbero.

Titu 3:8

Tou mpuu lolitangku inona. Ido hai kuperapi bona paturo ide nupakanotoahe ope-ope tauna au mepoinalai i Pue Ala bona mobabehi liliuhe apa au maroa. Paturo ide iami paturo au maroa, hai au mobundu i ope-ope tauna.